Exposición Proxectos 2016. Cerámica

Do catálogo da Exposición Proxectos 2016

CERÁMICA ARTÍSTICA

Fernando Carballa Villanueva

Cabeza e Protector

Gres BT. Parafusos prásticos

Cabeza composta por 112 pezas. Protector formado por 56 pezas. Todas elas cocidas a alta temperatura. Ensambladas con parafusos plásticos.

Esta obra busca conseguir lixeireza, claridade, liberdade, luz... en contraposición aos seus aspectos formais de cerramento, pesadez, escuridade, claustrofobia...

 

CERÁMICA ARTÍSTICA

Juana Martinez 

Elaboración e produción dun revestimento cerámico artesanal 

Pasta: PA/PRAF/Gres porcelánico

Vidrados: ATP/ATP+Cu+Co 

A intención é facer un exercicio de simplificación na que o observador pode entender o obxectivo final do revestimento, onde o paralelepípedo proposto divídese en dous planos: o horizontal sería o chan, e o plano vertical serían as paredes revestidas da edificación.

Estudo para a elaboración dun revestimento cerámico artesanal resolto mediante unha matriz xeométrica cuxo módulo hexagonal propón unha estética que alude a xeometrías propias da natureza, ao tempo que atende aos requisitos de funcionalidade, simplicidade e versatilidade. Do mesmo xeito, o proxecto cuantifica o tempo de produción e materiais necesarios para o desenvolvemento do proceso de produción, permitindo avaliar o custo efectivo do revestimento.

CERÁMICA ARTÍSTICA

Natalia Touriño e Muíño

Encaixe cerámico.

Porcelana G8/Supermimbre/Gres BT

A proposta consta de dúas partes, relativas ao encaixe; por un lado hai volume relacionado coa luz e, por outro, hai liñas sobre un soporte útil: as tazas de viño.

CERÁMICA ARTÍSTICA

Nero Carpente

Ai lalelo, Ai lalalo

Louza branca, gres branco, calcas cerámicas

Colección seriada de recipientes cerámicos para bebidas alcohólicas; unindo funcionalidade, creatividade e cultura popular. Trátase de relacionar esta modalidade de pezas coa propia actividade festiva e musical na que se empregan dentro da cultura galega

CERÁMICA ARTÍSTICA

María del Pilar López Freire

Fish-iño

Colada Art 13 e gres BT

Nove pezas exentas que recrean a manipulación do peixe no porto pesqueiro de Vigo. O aproveitamento dos refugallos que produce, como alegoría do desenvolvemento da cidade olivíca.

Fíxose un molde dun peixe imaxinario cortado en tres seccións, cada unha delas tratadas de xeito diferente. Unhas foron relizadas a coada e outras ao apretón. No acabado das pezas utilizáronse diferente vidrados. As pezas que van sobre peana están realizadas en grés sen vidrar.