O alumno da Emao, Alberto Granada mostrará en Zaragoza na Sala Desafinado, a súa obra "Pinturas de amor e enfermidade" o seu traballo dende 2010 ao redor da figura do poeta Lois Pereiro. É unha serie de 20 pinturas que van dende a abstracción ao surrealismo figurativo. A mostra comeza o vindeiro 2 de xullo coa lectura, en galego, de varios poemas de Lois Pereiro por artistas, poetas e locutores aragoneses. Na actualidade "Pinturas de amor e enfermidade pódese ver en Vigo na Galeria de Arte Androx, de luns a venres de 19 a 21 h. ata o 15 de xuño. O pintor aragonés Alberto Granada vive e traballa en Vigo dende 2007, é membro fundador do Grupo Sótano 5 xunto con outros compañeiros da Emao (Escola Municipal de Artes e Oficios de Vigo) onde reciben clases de serigrafía artística da man de Nelson Villalobos dende 2008.
Ningún comentario:
Publicar un comentario