Exposición "O Bosquexo do Mundo" no Museo de Arte Contemporánea de Vigo (MARCO)

Próxima inauguración no Marco de Vigo da exposición "O bosquexo do mundo" que terá lugar o venres, 19 de abril de 2013, ás 20:00 h. 

"O Bosquexo do Mundo" ofrece a posibilidade dunha visita a ese crisol de formas que é o taller do artista, e traerá ao museo un conxunto de útiles e documentos, tamén obras e os seus antecedentes, que, como pezas dun crebacabezas en perpetuo movemento, proporciona sustento e alimenta as creacións: bosquexos e cadernos de apuntamentos, notas ao paso que agardan o seu momento e ocasión, obxectos de todo rango que se acumulan semi-esquecidos polos cantos do estudio. Cartafoles con recortes de prensa, imaxes e libros doutros artistas; un espazo mental no que calquera posible estímulo atopa acomodo, dende unha colección de postais con imaxes artísticas a un bucle de vídeos de youtube, ou a textos propios e alleos.

Datas: 19 abril 2013 - 15 setembro 2013

Lugar:  planta baixa