Festival Sinsan 16 Outono: Concerto de Will Samson na Hemeroteca

Este xoves, día 15 ás 20:15, concerto Will Samson na hemeroteca

Rosario Miloro Costas Presenta a súa Última Novela "Náufragos"

Este venres, 16 de outubro ás 19:30 presentación na hemeroteca do libro "Náufragos"  de Rosario Miloro Costas publicado por TarQus Editorial. Presenta Dolores Miloro Costas.

Homenaxe de Domingo Villar á Escola Municipal de Artes e Oficios de Vigo

Foto de Faro de Vigo

O próximo mes de marzo chegará as librerías a última novela  do escritor vigués Domingo Villar, O Último Barco, que se publicará en galego (Galaxia) e en castelán (Siruela). De todos é coñecido que Villar é o creador do personaxe do inspector Leo Caldas protagonista das súas novelas anteriores, Ollos de auga e A Praia dos Afogados que gozaron dunha gran acollida por parte dos lectores, con numerosas edicións, foron traducidas a 15 idiomas,  mesmo se fixo a adaptación cinematográfica dunha delas  "A praia dos afogados".

Agora despois de varios anos de espera, chega O Último Barco que neste caso ten un valor engadido para nós, pois a nosa centenaria Escola de Artes e Oficios será un dos escenarios nos que se desenvolve a novela.

Nós temos que agradecer a Domingo Villar a homenaxe que fai á nosa Escola na entrevista que publica Faro de Vigo, por iso reproducimos aquí as súas palabras:  

"É un dos lugares dos que os vigueses deberiamos estar máis orgullosos e, con todo, para a maioría non é máis que un edificio silencioso. Sinto que a miña obrigación ao escribir é tamén facer de altofalante e lembrar que temos na cidade unha xoia como esta"

Non podemos estar máis de acordo. Grazas Domingo Villar polo teu recoñecemento. 

Esperamos ansiosos O Último Barco

Conferencia do Forum-IEV 2018 "As praias tan apreciadas como descoñecidas"

Este xoves, 8 de novembro ás 19:30 na hemeroteca

Conferencia organizada polo Forum-IEV 218

"As praias tan apreciadas como descoñecidas"
por
Mariano Lastra Valdor

Presenta

Patricio Sánchez Bello 

Dana Rodríguez Justo, 1º Premio no Certame de Creadores Novos, Xuventude Crea 2018, na Especialidade de Deseño de Xoias. Parabéns!!!

Temos que felicitar a nosa antiga alumna de ourivaría, Dana Rodríguez Justo, polo éxito obtido no Certame galego de Creadores Novos, Xuventude Crea 2018, primeiro premio na especialidade de deseño de xoias.
Dana, estudou Belas Artes, e foi alumna da nosa Escola ata o curso pasado, forma parte dos grupos formados na especialidade de ourivaría por Sandra de Jesús.

As pezas gañadoras forman a colección "Atómico" Estas teñen unha gran complexidade técnica polo tipo de peches e polas estruturas de fío. Ademais cada fío leva moitos puntos de unión pois todas esas esferas están soldadas unha a unha. Tamén resulta complexo o prodemento de engaste da pedra debido á estrutura que rodea toda a montura. Unha dificultade que Dana resolveu con gran destreza. Parabéns, Dana!!!

Dende o día 23 de outubro unha exposición na Fundación Eugenio Granell mostra o traballo dos finalistas de deseño de xoias do programa Xuventude Crea.

24 de Outubro "Día da Biblioteca"

Cartaz de Federico Fernández

 Desde de 1997, cada 24 de outubro conmemórase o Día da Biblioteca. A proposta xorde da Asociación Española de Amigos do Libro Infantil e Xuvenil, apoiada polo Ministerio de Cultura, en recordo da destrución da Biblioteca de Saraievo, incendiada o 1992 durante o conflito balcánico. A iniciativa naceu para trasladar á opinión pública a importancia da biblioteca como lugar de encontro dos lectores de todas as idades coa cultura, e como un instrumento de mellora da formación e a convivencia humana.

Este ano o cartaz conmemorativo é obra do noso mestre de debuxo, Federico Fernández. Parabéns!!!

Imaxen do Seminario Natureza, Cultura e Acto Creador na Hemeroteca

O Seminario Natureza, Cultura e Acto creador, impartido por Oscar Scopa, comezou o pasado 2 de outubro e desenvolverase en dúas sesións mensuais ata o 19 de marzo.