Conferencia sobre "Luis Seoane: O Artista Comprometido Coa Súa Terra" por Paula Mariño na III Mostra de Artesanía de Gondomar

Co gallo da celebración dos Días Europeos da Artesanía 2015, a Asociación de Artesáns do Val Miñor «Mestura», en colaboración coa Concellaría de Cultura de Gondomar e a Escola de Cerámica organiza este fin de semana a 3ª Feira de Oficios Artesáns para os días 11 e 12 de abril. Haberá conferencias, mesas redondas, talleres e demostracións de xoiería, coiro, encaixe de palillos e talla de madeira.

O ano pasado xa  dera unha charla-conferencia o mestre de artesanía en coiro, Pepe Pereira. Este ano será a mestra de pintura, Paula Mariño Pazo quen dea unha conferencia títulada «Luis Seoane: O artista comprometido coa súa terra», será o domingo, 12 de abril  ás 18:00 horas, na Casa da Cultura de Gondomar.
Fonte: La Voz de Galicia

Mostras de Cerámica en Asturias, Xullo e Agosto do 2013

III Mostra de Cerámica de Cudillero (Asturias)
O 13 e 14 de xullo. Organizada pola Agrupación de Ceramistas de Asturias e o Concello de Cudillero. Os participantes deberán estar inscritos no Rexistro de Artesanos da súa Comunidade Autónoma.

bases e solicitude feira ceramica cudillero para fora de asturias.doc (32,0 KB)

III Mostra de Cerámica de Luarca (Asturias)
Do 5 ao 7 de agosto. Organizada pola Agrupación de Ceramistas de Asturias e o Concello de Luarca. Enviar, por correo electrónico (preferentemente) ou postal, a documentación solicitada na bases achegas, antes do 25 de maio.

bases e solicitude feira ceramica luarca para fora de asturias.doc (32,0 KB)

Agrupación de Ceramistas de Asturias
Os Carbayinos 15 Sograndio
33193 OVIEDO (Asturias)
ceramistasdeasturias@gmail.com

Mostra Nacional de Cerámica en Palencia "Feira Chica 2013"

Mostra Nacional de Cerámica en Palencia Feira Chica 2013

  A XXVI edición celebrarase do 16 ao 19 de maio, na rúa Maior palentina, e está organizada pola Asociación de Ceramistas Palentinos, CEPA. Solicitudes ata o 22 de marzo. 
Documentación
bases_palencia.pdf (58,3 KB)
solicitud.doc (24,5 KB)

XXI Mostra de Artesanía ARGALICA 2012

http://www.facebook.com/Argalica

MOSTRA DE LIBROS ANTIGOS NO CONCELLO DE NIGRÁN

O Salón de Actos do Concello de Nigrán inaugurou o pasado día 11 de xuño unha mostra de libros antigos, con máis dunha vintena de exemplares que son, sen ningunha dúbida, auténticos tesouros da literatura. Esta exposición é un fito na programación cultural de Nigrán, desde un facsímil do Códice Calixtino, un dos dous únicos exemplares existentes dunha Cédula Real de Carlos I de 1544, pasando por varias versións de Don Quixote, de Miguel Cervantes, con gravados de Dourei e Vos lusíades, as Cantigas de Santa María, de Afonso X O Sabio, entre moitas outras xoias. 

En definitiva un auténtico luxo que abrirá ao público entre o 11 e o 17 de xuño de 18.00 a 20.00 horas no Salón de Actos do Concello de Nigrán. Unha colección dificilmente mellorable, e unha oportunidade única en Nigrán, que nos permitirá gozar en primeira persoa destes auténticos tesouros, cun incalculable valor histórico e cultural.

VIII MOSTRA DAS ARTES E AS LETRAS DOS EMPREGADOS PÚBLICOS

A VIII Mostra das Artes e As Letras dos Empregados Públicos pódese visitar durante todo o mes de maio na Sala de Exposicións dá EGAP (Escola Galega de Administración Pública) en Santiago de Compostela. Queremos destacar a participación da alumna de talla en madeira Mª Cándida Cabaleiro Barreiro coa obra "Contracorrente" unha xilografía con china colé. Parabens!!!

"Contracorrente" por Mª Cándida Cabaleiro Barreiro

MOSTRA "ENCADERNANDO" NA FUNDACIÓN-MUSEO EUGENIO GRANELL

A mostra Encadernando, organizada pola Consellería de Economía e Industria a través da Fundación Centro Galego da Artesanía e do Deseño, poderá verse na Fundación-Museo Eugenio Granell ata o día 20 de xuño, é unha escolma de pezas e de creadores de encadernación artesanal elaborada en colaboración coa Asociación Galega de Encadernación de Arte (AGEA), coa que se representa a grande diversidade existente neste oficio en Galicia. O exquisito traballo cos diferentes materiais, así como o uso dunha variedade de técnicas artesanais, contribúen a facer da encadernación unha actividade económica na que os artesáns galegos son un referente a nivel nacional e internacional. A mostra Encadernado está formada por 26 pezas coas que se amosa como a encadernación contribúe a converter os libros en pezas de gran beleza estética, persoal e única.

SALÓN INTERNACIONAL DEL CÓMIC DE BARCELONA, 2012

O Salón internacional do Cómic de Barcelona inaugura a súa trixésima edición, na que os organizadores lograron sortear a crise cunha marca de 150 expositores e onde haberá non unicamente editoriais, senón firmas de videoxogos, electrónica, e outros ámbitos relacionados co lecer. A lista de autores invitados ao certame é enorme, e na nómina de firmas estranxeiras destaca o mestre italiano Milo Manase, o debuxante de "V de Vendetta", David Lloyd, o creador de "Blankets", Craig Thompson, Scott Snyder, guionista das novas series de "Batman" e "A Cousa do pantano", así como o veterano xaponés Go Nagai, pai de Mazinguer Z, o xigante robot que revolucionou a animación e que cumpre 40 anos neste 2012. Precisamente, o mundo dos robots é o principal eixo temático desta edición do salón grazas á exposición "Robots na súa tinta", que fará un repaso pola historia dos autómatas e a súa relación co cómic e o cine. Tamén haberá un apartado específico para os míticos androides da serie Star Wars.

12ª MOSTRA INTERNACIONAL DE ARTE GAS NATURAL FENOSA

O Museo de Arte Contemporánea Gas Natural Fenosa, co obxecto de promocionar e dar visibilidade aos novos valores artísticos, convoca a 12ª Mostra Internacional de Arte Gas Natural Fenosa. Poderán participar artistas de calquera nacionalidade sen máis limitación que as impostas pola legalidade vixente no Estado español. Cada participante poderá presentar unha soa obra, realizada empregando calquera técnica ou seguindo calquera procedemento.
As obras deberán ser inéditas, non podendo ser presentadas a ningún outro concurso e, en ningún caso, ser expostas anteriormente. Inscrición ata o 27 de maio de 2012 enchendo este formulario.

XXII MOSTRA DO ENCAIXE DE CAMARIÑAS, DO 4 Ó 8 DE ABRIL

Dentro do recinto feiral o visitante atopará demostracións de palilleiras consagradas e das palilleiras infantís pertencentes ás escolas municipais, que constatan o prometedor futuro do Encaixe de Camariñas. Como novidade nesta edición tamén poderemos observar como alumnas de deseño de encaixe realizan as súas obras. Para esta edición contamos cunha ampla participación do encaixe internacional, entre as cales caben destacar a participación de palilleiras provenientes de: Rusia, Inglaterra, Italia, Bélxica, Hungria, Bulgaria, Francia, Portugal, Brasil, Malta, entre outras.
O visitante poderá asistir diariamente a tres desfiles onde observará como grandes e noveis deseñadores aplican o Encaixe de Camariñas nas súas obras, revalorizando as súas coleccións e creando pezas únicas que transmiten glamour.

XXI MOSTRA ENCAIXE DE CAMARIÑAS

Dende 1981, cada Semana Santa celébrase "A Mostra do Encaixe de Camariñas", certame comercial e cultural de ámbito internacional, declarado de Interese Turístico de Galicia.
Este evento acadou dinamizar o sector do encaixe, propiciando o uso dos "Encaixes de Camariñas", non só no enxoval doméstico, se no tamén a súa inclusión definitiva no sector da moda. Foron e van seguir sendo os desfiles de "Grandes Deseñadores" e o "Concurso de Deseñadores Noveis" os que apostan por tal fin.
Dentro do recinto feiral, o visitante, entre outras actividades, atoparase con exposicións, demostracións ao vivo e venda de encaixe elaborado en diversas partes do mundo.
Ademais, vai poder disfrutar doutras artesanías nas cales se aplicou o encaixe de Camariñas. 

A presente edición da "Mostra do Encaixe" celebrarase en Camariñas do 20 ao 24 de abril de 2011.

III XORNADAS DE ALFARERÍA DE AVILÉS 2011

Do  14 ao 25 de abril celébranse en Avilés a terceira edición das Xornadas de Alfarería de Avilés, cun programa nel que encontramos unha exposición itinerante, conferencias e a Feira de Alfarería Tradicional. A exposición levara o título "Alfarería tradicional: auga e fogo" e terá unha itinerancia por Asturias que se espera ampliar a outros puntos de España. Entre os conferenciantes están Cristina Heredia Alonso, os compoñentes do Grupo Adobe e o mesmo comisario destas Xornadas, Ricardo Fernández López.