5 de mar. de 2018

Eventos Culturais na Hemeroteca da Escola Municipal de Artes e Oficios

Aqui tedes un adianto dalgunhas actividades que se van a desenvolver na hemeroteca a esta semana:

Martes, 6 de marzo ás 20:00


12ª Sesión do seminario "A imaxe e os seus interrogantes nas artes e as humanidades" impartido por Oscar Scopa, destinado a persoas vinculadas ás artes e ás humanidades que se inscribiron previamente.


Mércores, 7 de marzo ás 19:00


O Estado da Cuestión do Ateneo Atlántico propón a diversos especialistas que nos dean a súa opinión sobre a situación da música en Vigo. O acto será presentado pola poeta e activista musical Silvia Pena, e, a día de hoxe, está confirmada a presenza de:
  • Rasa Biveiniene Jakutyte. profesora do Conservatorio superior de música de Vigo.
  • Luis Campos. Promotora e festival Sinsal.
  • Raquel Seijo. Compositora e produtora de SweetDreams.
  • Segundo Grandío. Produtor.
  • Patricia Hermida. Avogada especialista en dereitos de autoría.
  • Anxo Pintos. Músico e profesor da Escola municipal de música folk e tradicional.
  • Felipe Villar. Jazz Nigrán.

Xoves, 8 de marzo ás 19:30


"É Vigo realmente fiel?" Nova conferencia do Forum-IEV a cargo do xornalista e membro do Instituto de Estudios Vigueses, Jorge Lamas. Presenta Eduardo Rolland.
A intitulación da Cidade de Vigo é "Fiel, leal y valerosa, y siempre benéfica ciudad de Vigo”; con todo, a documentación existente non permite certificar a presenza do adxectivo Fiel nesta inscrición. Non quere dicir que non sexa certa, pero si que ata o momento ninguén puido mostrar o documento legal que xustificaría a súa presenza. O Arquivo Municipal de Vigo, así como documentación do Goberno de España, permiten situarnos nos distintos tratamentos dados a Vigo ao longo da historia.


Venres, 9 de marzo desde as 10:00 ata as 17:00


Angular é unha plataforma de código aberto para crear aplicacións web desenvolvida por Google e a comunidade. Ofrece varias ferramentas para crear de maneira sinxela unha aplicación dinámica e interactiva que se pode executar en exploracións de escritorio, dispositivos móbiles e mesmo robots. Organiza Ana Cidre. Prazas limitadas! Apúntache aquí:   ngGirls @ Galicia

Ningún comentario:

Publicar un comentario