16/06/2016

Cursos de Verán na EMAO. Vigo 2016

CURSOS MONOGRÁFICOS DE VERÁN. XULLO 2016
ESCOLA MUNICIPAL DE ARTES E OFICIOS DE VIGO
Convócanse os seguintes cursos monográficos que terán lugar nas aulas e talleres da Escola Municipal de Artes e Oficios de Vigo no mes de xullo de 2016:
Aula de Debuxo artístico: “Debuxar o corpo espido”
Impartido por Federico Fernández, mestre da especialidade na EMAO 
Destinatarios: Ex-alumnos/as da EMAO das especialidades de Pintura e Debuxo. 
Programa:
  • A proporción e o encaixado. Toma de medidas
  • Representación da figura a través de unha estructura sinxela. Equilibrio e ritmo na figura humana. Fondo e figura.
  • A mancha o claroscuro a partir de modelo espido: Representación do volumen por contraste do claroscuro, tendo en conta a posición de luces e sombras.
  • Realización de apuntes de movemento. Captación e xestión da información visual.Retentiva. O boceto e o apunte do natural. 
Material a aportar polo alumnado: Lápis de carbón, barra de grafito, barras de carbón papeis de debuxo diversos, goma de pan, chinchetas, rotuladores acrílicos de diversos grosores.
Aula de Pintura: “O libro de artista”
Impartido por Paula Mariño, mestra da especialidade na EMAO 
Destinatarios: Ex-alumnos/as da EMAO das especialidades de Pintura e Debuxo.
Programa: 
  • Introducción: Qué é un Libro de artista?/ Historia do Libro de Artista/ Como fabricalo?/Traballos recentes 
  • Tipoloxía dos libros intervidos 
  • Prácticas de elaboración do Libro persoal. Traballo en grupo e individual. 
Material a aportar polo alumnado: dependendo da elección de libro que faga
Aula de Deseño e encaixe de palillos: “Iniciación ao encaixe ruso”
Impartido por Marian Núñez, mestra da especialidade na EMAO 
Destinatarios: Ex-alumnos/as de Encaixe de Palillos na EMAO 
Programa: 
  • Deseñar os distintos equipos para a correcta execución da cinta.
  • Axustar a escala do deseño.
  • Adecuar o material (liño, seda, algodón) á escala de traballo.
  • Obter distintas cintas para desenvolver nun deseño especifico de encaixe ruso.
Material a aportar polo alumnado: Almofada plana circular /Palillos mallorquins /Diferentes fios /Alfinetes /Ganchillos (e demais utensilios para realizar o traballo)
Taller de Cerámica artística: “A cerámica e o audiovisual”
Impartido por Miguel Vázquez, mestre da especialidade na EMAO 
Destinatarios: Aberto, non se necesitan coñecementos previos de cerámica
Programa: 
  • Distinguir os distintos xéneros da producción audiovisual sobre cerámica. 
  • Elaborar fichas técnicas das distintas propostas audiovisuais. 
  • Acostumarse a utilizar o audiovisual como método de coñecemento sobre cerámica
Material a aportar polo alumnado: Non hai material
Taller de Serigrafía artística: “Introducción á serigrafía artística”
Impartido por Alba Pardo, mestra da especialidade na EMAO 
Destinatarios: Aberto, non se necesitan coñecementos previos de serigrafía 
Programa:  
  • Equipo e materiais 
  • Preparación de pantallas 
  • Limpeza, emulsionado, insolado e secado 
  • O rexistro 
  • A impresión 
  • Cómo montar un pequeno obradoiro serigráfico caseiro 
Material a aportar polo alumnado: Rotulador opacador para serigrafía, cinta adhesiva, papel para estampar, acetatos A4.
Talleres de Ourivaría e Artesanía en coiro: “Creación de fornituras e accesorios en Coiro e Metal”
Impartido por Sandra de Jesús e Pepe Pereira, mestres das especialidades na EMAO
Destinatarios: Ex alumnos/as da EMAO das dúas especialidades, ou externos con coñecementos básicos demostrables.
Programa: 
  • Introducción os materiais e técnicas a empregar
  • Segueteado, conformado e acabado de pezas en coiro e metal.
  • Fixación de elementos de suxeición na peza decorativa.
  • Aplicación de complementos decorativos mixtos con técnicas de decoración e estampación.
  • Completar sistemas de peche e suxeición.
Material a aportar polo alumnado: Ferramenta básica de man que poidan aportar segundo a súa especialidade (alicates, seguetas, tesoiras, coitelas, burís…..)
Taller de Encadernación: “Carpetas e caixas contedoras de obra gráfica”
Impartido por Pablo Otero, mestre da especialidade na EMAO 
Destinatarios: Aberto 
Programa: 
  • Diferentes métodos de conservación gráfica:
         - Carpetas (Obra gráfica sen volume: debuxo, acuarela, fotografía, serigrafía)
         - Caixas para gravados que protexan o volume, o gofrado e o matérico
  • Elementos a elaborar:
    Carpetas de tapa dura con solapas, con peto e fol Caixas con tapa independente, de dobre bandeixa e con boca de peixe
Taller de Talla e escultura en madeira: “Gravado en relevo madeira -xilografía II”
Impartido por Rosa García, mestra da especialidade na EMAO 
Destinatarios: Persoas que teñan coñecementos previos demostrables de gravado en madeira. Terán preferencia as que realizaron o curso na EMAO “Gravado en relevo madeira -Xilografía I”. 
Programa: 
  • Procesos de creación do gravado en relevo, cunha soa plancha: plancha a fondo perdido.
  • Técnicas aditivas: O collagraph e Carborumdum
  • Técnicas mixtas
Material a aportar polo alumnado: Planchas de linóleo, madeira e papeis de gravado
Taller de Construción de Zanfonas: “Técnica de calado. Corte con segueta de marquetería”
Impartido por Xaime Rivas, mestre da especialidade na EMAO
Destinatarios: Aberto 
Programa: 
  • Habilidades e competencias necesarias para efectuar corte con segueta de marquetería con calidade. Prácticas con cortes en liña con serra de corte frontal, cortes en curva con serra de corte frontal, cortes con serra de corte redondo.
  • Construcción dun obxeto concreto suxerido polo alumno/a ou polo mestre. 
Material a aportar polo alumnado: Taboleiro de marqueteria para as prácticas.Taboleiro con deseño impreso para a construcción do obxeto concreto. Arco de marquetería grande.
Taller de Construción de gaitas: “Iniciación á construción de palletas”
Impartido por Carlos Corral, mestre da especialidade na EMAO 
Destinatarios: Antigos alumnos/as de IMPG ou CAIM da EMAO, profesores/as de gaita e gaiteiros/as. (indicarase no correo de inscrición) 
Programa: 
  • Corte e desbastado de cana
  • Calibrado da cana e preparación segundo tonalidade
  • Confección do tudel
  • Preatado e atado
  • Desvaste das palletas
  • Rematado e afinación
  • Confección de pallóns 
Material a aportar polo alumnado: Navalla, calibre (pé de rei)
CONDICIÓNS COMÚNS A TÓDOLOS CURSOS
Duración curso: 30 horas 
Datas: laborables do 4 ao 15 de xullo en horario de 10:00 a 13:00 horas 
Prazas limitadas: 15 por curso, agás Zanfona e Gaita que será de 10 
Prazo de solicitude: ata o 28 de xuño de 2016 
Inscripción:
Gratuíta. Mediante envío de correo electrónico ao enderezo emao@vigo.org, cos seguintes datos (imprescindibles)
  • Asunto: [nome do curso]
  • Nome e apelidos do/a solicitante:
  • DNI:
  • Anos nos que cursou estudos da especialidade na EMAO: [no caso en que sexa condición telos cursado para acceder ao monográfico seleccionado]
Admisión de solicitudes:
  • Só se admiten persoas maiores de 16 anos.
  • Só serán válidas as solicitudes que cumpran as condicións indicadas nesta convocatoria para cada curso monográfico en concreto
  • A inscrición farase por estricta orde de recepción do correo electrónico de solicitude ata cubrir o máximo de prazas ofertadas.
  • A confirmación da matrícula realizaráa a EMAO exclusivamente por correo electrónico. No caso de producírense vacantes no primeiro día do curso, convocarase aos reservas

Ningún comentario:

Publicar un comentario