Prazo de Confirmación da Matrícula na Escola Municipal de Artes e Oficios de Vigo

Recordade que as persoas incluídas nos listados do resultado do sorteo e das probas de acceso tedes prazo ata o 29 de setembro para confirmar a matrícula. Debedes presentar na Unidade administrativa a seguinte documentación:

• Impreso de confirmación de matrícula debidamente asinado pola persoa interesada, segundo modelo oficial (tamén se pode recoller na conserxería da Escola).
• Fotocopia simple do seu DNI.

Datas e horario de matrícula:

• 22 ao 28 de setembro (de 9:00 a 14:00 horas e de 16:00 a 20:00 horas).
• 29 de setembro (de 9:00 a 14:00 horas).

De non confirmarse a matrícula nas datas indicadas, daráselle de baixa na lista de admisión, pasando a ocupar o seu posto o seguinte na lista de espera. Establécese unha lista de agarda para cada especialidade, para os casos de substitución por baixa ou por renuncia do alumnado, durante o primeiro trimestre do curso 2017-2018. Por razóns prácticas, o número de persoas que figuran na lista de agarda que se pública é, como máximo o número de prazas ofertadas para cada especialidade.

Máis información en:  http://hoxe.vigo.org/movemonos/emao18.php?lang=gal#/