A Exposición Proxectos 2017 no Faro de Vigo "A Maestría do Traballo Artesanal Lócese en Vigo"

Foto de José Lores. Faro de Vigo

Hoxe publícase no Faro de Vigo un artigo sobre a nosa Escola, concretamente sobre a exposición "Proxectos 2017" que se pode visitar ata o 15 de xaneiro na nosa sala de exposicións Espazo EMAO. 

Baixo o título "A maestría do traballo artesanal lócese en Vigo" faise eco dos traballos de cerámica, ourivaría, escultura en madeira, pintura, coiro, serigrafía, debuxo, encadernación e moda e confección  que comparten protagonismo nesta exposición que é fiel reflexo das destrezas adquiridas ao longo do proceso de aprendizaxe.

Un total de 40 obras de grande calidade, que supoñen a plasmación material da formación recibida na Escola e, en concreto, dun ano de traballo no Curso Avanzado. Refléxanse nas obras expostas os procesos de investigación, formación, conceptualización e fabricación executados baixo as premisas dos eixes principais sobre os que pivota a actividade educativa e cultural da EMAO: a excelencia técnica, a creatividade e a transversalidade

Comisariado: Sandra de Jesús e Emma Pintos, mestras das especialidades de Ourivaría e de Moda na EMAO

Produción e montaxe: Profesorado e alumnado da Escola Municipal de Artes e Oficios de Vigo

Cartel: Federico Fernández, mestre de Debuxo artístico da EMAO

Coordinación: Rafael Ojea

Axudante de montaxe: Alberto Couñago