A Asociación de Palilleiras Arte e Filigrana, de Vigo, celebrou o sábado 16 de xuño a sexta edición da súa reunión anual, no Pavellón do Berbés. Este evento contou coa colaboración da Fundación Centro Galego dá Artesanía e do Deseño e do Concello de Vigo.
Hai seis anos que se celebra o Encontro de Palilleiras en Vigo, coincidindo coa creación da propia Asociación de Palilleiras Arte e Filigrana, para dar acollida a un grupo de mulleres procedentes da Escola de Artes e Oficios de Vigo. Na actualidade está formada por 90 socias, a maioría delas con carta de artesá, co obxectivo de ensinar e dar a coñecer o mundo do encaixe de palillos.
Ningún comentario:
Publicar un comentario