2 de maio de 2014

Mostra "Arquivo Fotográfico Pacheco. Documento Gráfico" na Casa das Artes


"Arquivo fotográfico Pacheco. Documento gráfico" é o título da mostra que acolle desde o pasado 24 de abril a Casa das Artes de Vigo. Un total de 116 imaxes percorren os temas máis habituais do estudio deste fotógrafo vigués como son a paisaxe do mar e da cidade, acontecementos singulares e cotián ou a actividade reprográfica. 
A exposición encádrase no labor do Concello de Vigo de recuperación, conservación, dixitalización e difusión dun arquivo que conserva unha gran parte da ampla produción da saga de fotógrafos que traballaron no Estudio Pacheco. A intención da mostra é amosar as imaxes tal e como se atopan no arquivo, respectando en todo caso a intención dos fotógrafos, o seu estado de conservación e plasmando as condicións dos seus soportes orixinais.
A exposición estará aberta ata o vindeiro 30 de xuño. 

Ningún comentario:

Publicar un comentario