A Exposición "Curtidas" no Faro de Vigo

Hoxe, Faro de Vigo, publica un artigo "Un arte en cueros" sobre a exposición "Curtidas" que se pode visitar na nosa sala de exposicións Espazo Emao. Nesta exposición faise un recoñecemento público a todas aquelas mulleres que ao longo da historia se adicaron ao traballo do coiro nalgunha das súas vertentes: profesional, afeccionada ou artística; unha paixón por unha actividade case sempre compartida coas responsabilidades das súas vidas como nais, traballadoras, mulleres.

A Escola Municipal de Artes e Oficios, cunha longa tradición nas ensinanzas artesáns en Coiro, achega ao público con esta mostra as posibilidades, a estética e a funcionalidade do traballo neste material. 

Parabéns ao seu comisario polo seu excelente traballo.

Exposición:
Lugar: Espazo EMAO. Edificio Anexo da Escola Municipal de Artes e Oficios de Vigo (entrada polas rúas Rosalía de Castro e Pontevedra).
Datas: do 25 de xaneiro ao 1 de marzo de 2019. Inauguración o 25 de xaneiro ás 19:00 horas
Horario: de 19:00 a 21:00 horas, días laborables
Comisario: Pepe Pereira, mestre de Artesanía en Coiro da EMAO