08/06/2013

Concerto da arpista Alba Barreiro na Hemeroteca da EMAO

Este pasado xoves tivo lugar un extraordinario concerto de arpa clásica a cargo de Alba Barreiro. Coa nosa hemeroteca completamente chea, iniciouse, trala presentación por parte do director da Escola Municipal de Música Folk e Tradicional de Vigo (e-Trad),  cunha delicadísima e emocionante peza de Ton-That Tiêt, maxistralmente interpretada. ¡Que gusto escoitar esta música entre os vellos anaqueis da nosa Biblioteca!: a calidez nas notas afúndese cos tons do mobiliario e das gastadas encadernacións de libros e revistas históricas, conformando un escenario único no que disfrutar da boa música. Unha música criada, ademais, dentro dos mesmos muros da nosa Escola, na aula de arpa céltica, baixo o maxisterio de Rodrigo Romaní.





Ningún comentario:

Publicar un comentario