07/12/2011

RAQUEL CENDÓN MOSTRA OS SEUS DESEÑOS NO PROXECTO "A MESA"

Foto de Ismael Ferradas, "Raquel Cendón na tenda Alfar"

Ceramistas galegos mostran os seus deseños de louza de autor no proxecto "A mesa", que cada mes ofrécese na tenda de artesanía Alfar de Vigo. "A mesa" é un proxecto capitaneado por Miguel Vázquez, profesor da Escola de Artes e Oficios (Emao), e a Escola Municipal de cerámica de Nigrán. Desde que comezou, xa deixaron a súa pegada neste particular espazo cinco artistas: Marta Miñambres, Iñigo Almeida, Verónica Carreira e Teresa Irisarri. Actualmente, e ata o 17 deste mes, presenta as súas pezas Raquel Cendón, unha colección na que a cerámica dáse a man coa pintura e a ilustración creando pezas dunha gran beleza. Esta viguesa entrou en contacto coa cerámica cando estudaba Deseño de interiores. Formouse durante cinco anos con Miguel Vázquez na Emao e actualmente traballa as pezas nun taller compartido con outros nove artesáns. Contou coa colaboración dos artistas Javier Aguilera e María Viñas para os debuxos que decoran as estilizadas pezas. Máis información aquí

Ningún comentario:

Publicar un comentario