Imaxes da Mostra de Edicións de Obra Gráfica con Nelson Villalobos na Hemeroteca

Mostra de edicións de Obra Gráfica con Nelson Villalobos na EMAO

VcAO Venres con Arte e Oficio 

Programación cultural semanal da Escola Municipal de Artes e Oficios 
PRESENTA

 Presenta: Pablo Otero Pino, mestre de Encadernación da EMAO

Convocatoria de cursos monográficos na EMAO: outubro 2018-xaneiro 2019

CONVOCATORIA CURSOS MONOGRÁFICOS EMAO 2018
OUTUBRO 2018- XANEIRO 2019

Dentro da programación prevista no Plan de Estudos da Escola Municipal de Artes e Oficios (PEMAO15), faise a Convocatoria dos seguintes cursos monográficos abertos ás persoas interesadas que non estean matriculadas no curso 2018-19 na EMAO e que cumpran os requisitos indicados en cada un dos cursos.

CURSOS QUE SE CONVOCAN:

* Aulas de Debuxo e Moda e Confección: “O debuxo como linguaxe na moda: O figurín II" 
Impartido por: Federico Fernández e Emma Pintos, mestres das especialidades na EMAO
Destinatarios: Persoas interesadas na práctica do debuxo na moda. Terán preferencia o alumnado que xa fixera o primeiro monográfico “O debuxo como linguaxe na moda: o figurín I" celebrado no mes de xullo de 2018.
Datas: do 22 de outubro ao 21 de novembro, luns e mércores de 10,00h a 13,00h.
Duración: 30 horas
Obxectivo: Curso interdisciplinario na que nos centraremos, mediante exercizos, en achegar o debuxo do movemento do corpo, a proporción e as posicións diversas do mesmo, para aplicalo na representación dun figurín de deseño de roupa. Curso de realizado entre os obradoiros de Debuxo e Moda e Confección, continuación do primeiro monográfico “ O DEBUXO COMO LINGUAXE NA MODA: O FIGURIN I”. Neste caso aportaremos a cór e a técnica da acuarela para os acabados das texturas as pregaduras dos figuríns a realizar.
Programa:
Achegamento básico a cor e a técnica de acuarela aplicada ao figurín de moda: O obradoiro consiste na realización dunha serie de exercicios que axuden o alumnado a rematar mediante a cor ca técnica de acuarela os figuríns de moda.

• Breve recordatorio do visto no monográfico anterior. A proporción. A representación mediante o debuxo das texturas dos tecidos. As representacións de enrugas mediante a liña e o lápis.
• Coñecer a linguaxe da cor. Representar o círculo cromático mediante a acuarela.
• Realizar degradados aplicados a representación das teas
• Representar texturas de teas a través da liña e da mancha
• Aplicar as texturas visuais realizadas ca cor na representación de prendas sobre maniquíes
• Realizar unha serie de figuríns rematados a cor , nas que se poñan en práctica todo o aprendido nos dous monográficos.

Material a aportar polo alumnado: B-Block de debuxo para acuarela formato A3 /Lapis HB /Goma /Caixa de acuarelas de 12 cores /Dous pinceis 

Aula de CAIM-ZANFONA : “Elaboración de espadillas”
Impartido por Xaime Rivas, mestre da EMAO da especialidade de Construcción Artesanal de Instrumentos Musicais-CAIM-Zanfona
Destinatarios: Ex-alumnos do obradoiro, con zanfona, que queiran mellorar a calidade das espadillas que construiron durante o curso e Interpretes de zanfona con instrumento dotado de espadillas de madeira.
Datas: do 26 de outubro ao 21 de decembro de 2018 e día 11 de xaneiro de 2019, venres de 17,00h a 20,00h
Duración: 30 horas
Presentación: As espadillas son os elementos encargados de interceptar a corda vibrante para producir a correspondente nota. A relación do constructor e do interprete de zanfona con estas pezas é tan inportante como a que poda ter o gaiteiro cá sua palleta..
Programa: O programa está referido ao que é o proceso de construcción: preparar e mecanizar (tronzar, cepillar, serrar, regrosar) a táboa de madeira para obter as láminas correspondentes.
Material a aportar polo alumnado: Táboa de madeira de Arce

Aulas de SERIGRAFÍA ARTÍSTICA E OURIVARÍA: “Serigrafía aplicada ás técnicas de esmaltado ao lume”
Impartido por Alba Pardo e Sandra de Jesús, mestras de Serigrafía artística e Ourivaría respectivamente
Destinatarios: Aberto a persoas sen coñecemento previo sobre ás técnicas destas especialidades e que non estean matriculadas na EMAO no curso 2018-19
Datas: Do 22 de outubro ao 21 de novembro de 2018. Luns e mércores de 10,00h as 13, 00h
Duración: 30 horas
Obxectivos: O obxectivo deste curso é dotar ao alumnado dos coñecementos básicos da serigrafía e aplicalos de maneira práctica e específica na técnica do esmalte ao lume de ourivaría. A práctica constará crear pezas de cobre que serviran para colares ou broches, serán esmaltadas con cores base para despois aplicar e transferir os debuxos por medio dos procedementos serigráficos aplicando esmaltes vitrificables que serán cocido posteriormente. O alumno acabará o curso cos coñecementos básicos destas técnicas en concreto e con unha peza rematada, colar ou broche.

• Deseñar a peza ou pezas de cobre que compoñen o colar ou o broche, estas pezas serán esmaltadas unha primeira vez con esmaltes de base e unha segunda vez cos debuxos serigrafiados baixo a temática da Fauna e da Flora mariña.
• Aprender a traballar e aplicar as técnicas e procedementos básicos da Serigrafía e da Ourivaría.
• Crear unha peza rematada (broche ou colar) coas técnicas descritas e con debuxos que sacados do libro de Ramón de la Sagra (1855), La isla de cuba, Tomo VIII atlas de zoología, París ,que se pode consultar na Hemeroteca da EMAO.

Programa:

• Desenvolvemento do deseño dos distintos elementos que forman a peza final, integración e combinación das cores.
• Adecuación dos elementos a temática e a funcionalidade.

Ourivaría (metodoloxía teórico-practica)

• Materiais e ferramentas a empregar
• Técnicas de corte
• Técnicas de conformado
• Limar e esmerilado
• Técnicas de esmaltado
• Articulacións e peches
• Acabados e montaxe

Serigrafía (metodoloxía teórico práctica)

• Materiais e ferramentas a empregar
• Preparación de pantaias e fotolitos
• Emulsionado, insolado e revelado
• Estampación
• Limpeza de pantaias serigráficas.

Material a aportar polo alumnado: comprará en grupo certos consumibles de baixo custo; as indicación daranse ao comezar o curso.

Aulas de Talla e escultura en madeira e de Encadernación artística : “O libro ilustrado: O gravado coma imaxen do texto”
Impartido por Rosa García e Pablo Otero, mestra da EMAO, respectivamente das especialidades de Talla e escultura en madeira e de Encadernación artística
Destinatarios: Persoas cun interese artístico no campo da arte gráfica e a edición e que non estean matriculadas na EMAO no curso 2018-19
Datas: do 7 ao 28 de xaneiro; luns mércores e venres de 10,30h a 13,30h
Duración: 30 horas
Obxectivo: Realización dunha tiraxe de gravados en relevo coma ilustración dun conto, que tomarán corpo de libro mediante a encadernación máis axeitada.
Programa:

• O gravado en relevo
• Entintado e estampación en unha e dúos tintas
• Realización dunha serie ilustrada para a súa edición
• A importancia do continente e o contenido
• Elaboración dun libro mediante a elección da encadernación máis axeitada.

Material a aportar polo alumnado: Linóleo, papeis de gravado, libreta de apuntes/debuxo, regla de corte (metálica), papeis de recubremento, cúter, edición de texto.


CONDICIÓNS COMÚNS A TÓDOLOS CURSOS

Duración curso: 30 horas
Lugar: Aulas e talleres da Escola Muncipal de Artes e Oficios de Vigo
Prazas limitadas: 15 por curso
Non poderán inscribirse as persoas que estean matriculadas na EMAO no curso 2018-2019

Inscripción:
Gratuíta. Mediante envío de correo electrónico ao enderezo emao@vigo.org, cos seguintes datos (imprescindibles):

• Asunto: [nome do curso]
• Nome e apelidos do/a solicitante:
• DNI:Teléfono de contacto: 
• Enderezo de correo electrónico no que desexan recibir a confirmación de admisión, se é o caso.
• Anos nos que cursou estudos da especialidade na EMAO [se é o caso no que sexa condición telos cursado para acceder ao curso solicitado]

Admisión de solicitudes:
Prazos: ata o 18 de outubro de 2018 (agás curso de Talla/Encadernación que ten de prazo de presentación ata o 18 de decembro)

• Só se admiten persoas maiores de 16 anos.
• Só serán válidas as solicitudes que cumpran estrictamente as condicións indicadas nesta convocatoria para cada curso en concreto.
• A inscrición farase por estricta orde de recepción do correo electrónico de solicitude ata cubrir o máximo de prazas ofertadas.
• A confirmación da matrícula realizaráa a EMAO exclusivamente por correo electrónico. No caso de producírense vacantes no primeiro día do curso, convocarase aos reservas.

Máis fotos dos Cursos de Verán 2018 da EMAO

"Estampación e edición dunha carpeta de gravados". Encadernación e Talla

 

"Insolado e estampación con tintes naturais". Serigrafía artística

 

"Mar de latón e fío". Encaixe e Ourivaría

 "O debuxo como linguaxe na moda: o figurín I". Debuxo e Moda

"Ferramentas para traballar o coiro". Coiro e Gaita

Curso "Pasta exipcia". Cerámica artística

  

"Banco de carpinteiro". Zanfona 

 

O Alumnado dos Cursos de Verán 2018

Hoxe remata a Escola de Verán EMAO 2018 aquí tedes algunhas fotos dos diferentes cursos.

Curso "Pasta exipcia". Cerámica artística

"Ferramentas para traballar o coiro". Coiro e Gaita

"O debuxo como linguaxe na moda: o figurín I". Debuxo e Moda

"Estampación e edición dunha carpeta de gravados". Encadernación e Talla

"Mar de latón e fío". Encaixe e Ourivaría

 

"Insolado e estampación con tintes naturais". Serigrafía artística

"Banco de carpinteiro". Zanfona

Escola de Verán EMAO 2018 (1)

O pasado luns, 9 de xullo, comezaron os cursos de verán na EMAO que se van a desenvolver ata o día 20. Aquí tedes algunhas fotos destes primeiros días.

"Pasta exipcia" na aula de Cerámica artística

"Pasta exipcia" na aula de Cerámica artística

 

"Ferramentas de madeira para traballar o coiro "

Obradoiro de Gaita e a especialidade de Artesanía do coiro

“Mar de latón e fío”. Aulas de Deseño e encaixe de palillos e Ourivaría

"Estampación e edición dunha carpeta de gravados"

Aulas de Talla e escultura en madeira e de Encadernación artística

Escola de Verán EMAO Vigo 2018

CURSOS CONVOCADOS
9 ao 20 de xullo
Escola Municipal de Artes e Oficios de Vigo
[preinscrición ata o 3 de xullo]

Aulas de Debuxo e Moda e Confección: “O DEBUXO COMO LINGUAXE NA MODA: O FIGURIN I”
Impartido por Federico Fernández e Emma Pintos, mestres das especialidades na EMAO
Destinatarios: Persoas interesadas na práctica do debuxo na moda.
Datas: do 9 ao 20 de xullo de 10:00 a 13:00 horas
Duración: 30 horas
Programa:
Obxectivo: Curso interdisciplinario na que nos centraremos, mediante exercizos, en achegar o debuxo do movemento do corpo, a proporción e as posicións diversas do mesmo, para aplicalo na representación dun figurín de deseño de roupa. Ademais trataremos os elementos dunha peza de ropupa, a representación de tecidos, as texturas e caidas, costuras, adornos... Toda a información que pode dar un debuxo a un deseño de moda.
Contido
Breve radiografía da ilustración de moda analizando imaxes dos grandes ilustradores na historia da Moda
Coñecer a morfoloxía do corpo humano e aplicala aos figuríns de moda
Coñecer os tecidos, texturas, caídas e enrrugas e representalos por medio do debuxo
Representar os elementos dunha peza de roupa (costuras, peches, petos, colos, mangas...)
Coñecer e aplicar as texturas visuais reltilizar a liña e texturas visuais para a representación das formas
Material a aportar polo alumnado: Block de debuxo tipo esbozo formato A3. Papel cebola. Lapis HB e 2B. Goma.

Aula de Cerámica Artística: “PASTA EXIPCIA”
Impartido por Miguel Vázquez, mestre da EMAO das especialidades de Cerámica Artística
Destinatarios: Persoas con coñecementos na cerámica, ben adquiridos na EMAO, ou acreditados presentando un curriculum formativo e que non estean matriculadas na EMAO no curso 2017-18
Datas: do 9 ao 20 de xullo, de 10 a 13 horas
Duración: 30 horas
Programa:

Obxectivo: Elaborar xoias e volumes de pequeno formato,Investigando as posibilidades contemporáneas desta técnica ancestral.

Contido:
Aproximación histórica á pasta exipcia.
As distintas formulacións da pasta.
Posibilidades de coloración.
Procesos de elaboración de volúmes e a súa manipulación.
A pasta exipcia como recubrimiento cerámico.
Materiais e realización de mobiliario específico para o seu secado e posterior coción.
Material a aportar polo alumnado:
Pinceis e ferramentas de man propias da cerámica, así como libreta, lápis e bolígrafo. Roupa de traballo

Aulas de Deseño e encaixe de palillos e Ourivaría: “MAR DE LATÓN E FÍO”
Impartido por Mª Angeles Nuñez e Sandra de Jesús, mestres de Deseño e Encaixe de Palillos e Ourivaría respectivamente
Destinatarios: Aberto a persoas sen ningún tipo de coñecemento sobre ás técnicas destas especialidades e que non estean matriculadas na EMAO no curso 2017-18. 10 prazas.
Datas: do 9 ao 20 de xullo, de 10:00 a 13:00 horas
Duración: 30 horas
Programa:
Obxectivos:
- Deseñar a peza ou pezas de latón e tecido adecuándoas a temática proposta “O Mar”.
- Aprender a traballar as técnicas e procedementos básicos do encaixe e da Ourivaría.
- Crear unha peza rematada (gargantilla ou colar) que combine o tecido e o metal.
Contido:
- Desenrolo do deseño dos distintos elementos que forman o colar, do bocexo á imaxe final.
- Adecuación dos elementos ao tema, conseguindo que se complementen entre si e formen unha peza equilibrada e completa.
Ourivaría (metodoloxía teórico-practica):
- Materiais e ferramentas a empregar
- Transferencia da imaxe ao metal
- Técnicas de corte: furar e calar
- Técnicas de conformado
- Recrudescencia, Recocido e Soldado.
- Construción de remates e peche
- Limar e esmerilar
- Acabados: Pulir, satinar, brillar
Encaixe (metodoloxía teórico-practica):
- Materiais e ferramentas a empregar
- Deseño para a estrutura do encaixe
- Enchido dos palillos
- Realización básica do punto do tecido (Par Enteiro)
- Engarzar fio e outros materiais
- Remate do punto de tecido para unir co metal.
Material a aportar polo alumnado:
Os consumíbles que se solicitan, compraranse unha vez comece o curso, pois adaptaranse ao que hai que crear.
- Fíos, lá, algodón, liño, etc.. Soldadura de prata. Fío de latón. Brocas. Fíos de serra nº 4/0 para arco de serra. Bata ou mandil

Aulas de Artesanía en coiro e CAIM Gaita : “Ferramentas para traballar o coiro de madeira”

Impartido por Pepe Pereira e Carlos Corral, mestres respectivamente na EMAO das especialidades de Artesanía en Coiro e Construción Artesanal de Instrumentos Musicais (CAIM)-Gaita
Destinatarios: Persoas interesadas no traballo no coiro, que non estean matriculadas na EMAO no curso 2017-18. 10 prazas.
Datas: do 9 ao 20 de xullo, de 10 a 13 horas

Duración: 30 horas

Programa:
Obxectivo: as ferramentas para traballar o coiro foron evolucionando coa evolución técnica do oficio, pero aínda moitos séculos despois algunhas apenas cambiaron, con este curso pretendemos facer un achegamento á ferramenta e os seus usos baixo o punto de vista da súa construción e adaptación ó uso que se lle vai dar.
As veces resulta difícil atopar unha ferramenta adecuada para realizar un traballo especifico e incluso o mercado non sempre nos pode aportar unha solución ó que estamos a buscar, con este curso pretendemos darlle ós alumnos as capacidades para solventar este tipo de problemas ou incluso a desenvolver novas ferramenta.
As pezas que se farán serán cabos para leznas, brunidores, pinzas de costura, un mazo para labrado ou soportes para ferramenta.
Contido:

Presentación da necesidade de ferramentas.

O traballo no torno,ferramentas, uso e precaucións.
A mesa, ferramentas, uso e precaucións.
O cabo da lezna, variacións e usos.
Os brunidores, manuais e mecánicos.
O mazo de labrado, uso e vantaxes.
A pinza de Costura, orixe e usos.
Material a aportar polo alumnado:
Máscarilla, luvas e gafas de protección. Parafusos. Lixas

Aula de Serigrafía artística : “INSOLADO E ESTAMPACIÓN CON LUZ E TINTES NATURAIS”
Impartido por Alba Pardo, mestra da EMAO da especialidade de Serigrafía artística
Destinatarios: Alumnado que cursara na EMAO a especialidade de Serigrafía artística e que non estean matriculadas na EMAO no curso 2017-18
Datas: do 9 ao 20 de xullo, de 10 a 13 horas
Duración: 30 horas
Programa:
Obxectivo: Xogaremos coa luz natural para facer o proceso serigráfico do insolado de pantallas así como para facer a antiga técnica fotográfica da cianotipia, tamén aprenderemos a obter tintes naturais para aplicalos á estampación serigráfica. 

Contido
Presentación histórica da cianotipia
Técnica da cianotipia
O proceso serigráfico
Insolado serigráfico con luz natural
Plantas tintóreas e elaboración de tintes naturais
Impresión serigráfica con tintes naturais
Material a aportar polo alumnado:
Acetatos, materiais opacadores, papeis, cinta adhesiva, pinceis

Aulas de Talla e escultura en madeira e de Encadernación artística: “ESTAMPACIÓN E EDICIÓN DUNHA CARPETA DE GRAVADOS”
Impartido por Rosa García e Pablo Otero, mestra da EMAO, respectivamente das especialidades de Talla e escultura en madeira e de Encadernación artística
Destinatarios: Persoas cun interese artístico no campo da arte gráfica e a edición e que non estean matriculadas na EMAO no curso 2017-18
Datas: do 9 ao 20 de xullo, de 10 a 13 horas
Duración: 30 horas
Programa:
Obxectivo: realización dunha tiraxe de gravados en relevo e confección dunha caixa e carpeta artística como concepto de obra orixinal.
O gravado en relevo 

 entintado e estampación en unha, dúas tintas e oco
realización dunha serie para a súa edición
A importancia da presentación como parte da obra
elaboración dunha caixa co deseño axeitado aos gravados
establecer un diálogo entre contedor e contido
Material a aportar polo alumnado:
Linóleo, papeis de gravado, libreta de apuntes/debuxo, regla de corte (metálica) e cúter  

Aula de CAIM-ZANFONA : “BANCO DE CARPINTEIRO”
Impartido por Xaime Rivas, mestre da EMAO da especialidade de Construcción Artesanal de Instrumentos Musicais-CAIM-Zanfona
Destinatarios: Persoas interesadas,sen requisitos especiais e que non estean matriculadas na EMAO no curso 2017-18. O curso está destinado a ofrecer un punto de arrinque a todas aquelas persoas que queren iniciarse na luthería, non atopan onde dar os seus primeiros pasos.
Datas: do 9 ao 20 de xullo, de 10 a 13 horas
Duración: 30 horas
Programa: 

Obxectivo: Manexar e preparar a ferramenta manual que se emprega en carpintaría e por extensión na construción de instrumentos musicais de madeira.

Contido:
Manexo de ferramenta do banco de carpinteiro a través da realización de varias practicas con diversos tipos de enlaces. Práctica de talla de voluta. Afiado de formóns e gubias.


CONDICIÓNS COMÚNS A TÓDOLOS CURSOS

Duración curso: 30 horas
Datas: do 9 ao 20 de xullo de 2018. Das 10 ás 13 horas
Lugar: Aulas e talleres da Escola Muncipal de Artes e Oficios de Vigo
Prazas limitadas: 15 por curso

Inscripción:
Gratuíta. Mediante envío de correo electrónico ao enderezo emao@vigo.org, cos seguintes datos (imprescindibles)

• Asunto: [nome do curso]
• Nome e apelidos do/a solicitante:
• DNI:
• Enderezo de correo electrónico no que desexan recibir a confirmación de admisión, se é o caso.
• Anos nos que cursou estudos da especialidade na EMAO: [se é o caso no que sexa condición telos cursado para acceder ao curso solicitado]
• Acreditación de coñecementos previos mediante currículum no caso do curso “Pasta Exipcia” (achegar arquivo en pdf co correo electrónico de solicitude)

Admisión de solicitudes:

• Non poderán inscribirse as persoas que estean matriculadas na EMAO no curso 2017-2018
• Só se admiten persoas maiores de 16 anos.
• Só serán válidas as solicitudes que cumpran estrictamente as condicións indicadas nesta convocatoria para cada curso en concreto.
• A inscrición farase por estricta orde de recepción do correo electrónico de solicitude ata cubrir o máximo de prazas ofertadas.
• A confirmación da matrícula realizaráa a EMAO exclusivamente por correo electrónico. No caso de producírense vacantes no primeiro día do curso, convocarase aos reservas