Forum IEV-2019. Conferencia "A Igrexa de Santa María de Vigo, Atalaia da Nosa Historia" por Monserrat Rodríguez

Conferencia "Os Pazos Galegos: ¿Arquitectura Rural o Arquitectura de Poder?" por Ana Pereira

Esta tarde ás 19:30, nova conferencia organizada polo Forum 2019 do Instituto de Estudios Vigueses, Os Pazos Galegos: ¿Arquitectura Rural o Arquitectura de Poder? a cargo de Ana Pereira, presentado por Xosé R. Iglesias Veiga.

Forum 2019 do Instituto de Estudios Vigueses na Biblioteca da Escola de Artes e Oficios

O Instituto de Estudos Vigueses, en colaboración coa Universidade e o Concello de Vigo, presentan a segunda edición do ciclo de conferencias do FÓRUM IEV. 

Do mesmo xeito que na edición do ano anterior, preténdese facer chegar ao publico de Vigo e a súa área metropolitana, diversos estudos levados a cabo por membros do IEV sobre a cidade e o seu contorno nas súas distintas áreas de coñecemento, así como outros estudos de vixente actualidade que veñen desenvolvéndose na Universidade de Vigo nos campos das ciencias e a tecnoloxía. Coordina: Federico Vilas Martín (UVI-IEV)

A presente edición do FÓRUM 2019 consta de 11 conferencias que recollen temas tales como: a arte en dólmenes, ou as torres da Concatedral de Vigo como narradoras dalgunhas paginas da nosa historia, ou o Pazo como patrimonio arquitectónico galego, ou a produción de sal durante a presenza romana nas nosas costas. Outras das conferencias enfócanse a temas de actualidade científica e tecnolóxica que claramente están a transformar a nosa sociedade e que, expostos cunha linguaxe alcanzable, van desde aqueles relacionados co cambio climático e as súas consecuencias a escala global, a outros referidos á aplicación das novas tecnoloxías en campos tales como as comunicacións, o sector audiovisual, ou na vixilancia ou inspección de infraestruturas mediante sistemas aéreos non tripulados (drons). 

A maioría destas conferencias teranse lugar na hemeroteca da Escola Municipal de Artes e Oficios de Vigo. A continuación déixovos a relación de conferencias que se desenvolverán na nosa hemeroteca:

XANEIRO 24 

Conferenciante: FERNANDO CARRERA ( IEV) 

Título : “Arte Megalítico en Galicia: valor e retos" 

Resumo: presentar unha expresión artística prehistórica (arte en dólmenes) que segue sendo aínda moi descoñecida para a cidadanía. Ademais de sinalar o seu enorme valor patrimonial, presentar algunhas suxestións necesarias para mellorar a súa protección 

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

FEBREIRO 7 

Conferenciante: FERNANDO MARTÍN RODRIGUEZ ( UVI) 

Título: “Aplicación das Novas Tecnoloxías ao Medio Ambiente Mariño” 

Resumo: Repaso ás tecnoloxías de drons, electrónica de control, cámaras e procesado de imaxe ( teledetección, visión artificial). Exemplos de aplicación en proxectos relacionados co medio ambiente mariño. Especial descrición dos proxectos da UVIGO: Litterdrone (http://litterdrone.eu/) e Ramica (http://ramica.cetmar.org/). Conclusións e visión de futuro. 

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

MARZO 14

Conferenciante: ELENA OJEA. (UVI)
Título: “Os impactos do cambio climático na pesca ¿Como nos podemos adaptar?
Resumo: O cambio climático está a ter efectos nos océanos que afectan a actividades coma a pesca artesanal e industrial. Nesta presentación farase un repaso ao coñecemento actual sobre os cambios no mar e as repercusións destes cambios para a pesca. Neste escenario, revisaremos tamén que di a ciencia sobre como nos podemos adaptar.

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

ABRIL 11 

Conferenciante: XULIO FERNÁNDEZ HERMIDA ( UVI) 

Título: “Do teléfono de disco ao Whatsap: Como chegamos aquí?” 

Resumo: Un repaso das tecnoloxías que foron aparecendo, como a industria as ido convertendo en produtos e o mercado en elementos da vida cotiá; e como a vida cotiá con estes novos elementos foi transformando a sociedade. 

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

MAIO 23 

Conferenciante: ANA PEREIRA ( IEV) 

Título: “Os pazos galegos: arquitectura rural ou arquitectura de poder?” 

Resumo: Un dos compoñentes máis representativos do patrimonio arquitectónico galego constitúeo sen lugar a dúbida o Pazo, tipoloxía construtiva de difícil clasificación dada a cantidade de lecturas e variantes que se poden albergan dentro deste concepto. Así mentres que algúns autores reservan este vocábulo só para aquelas construcións caracterizadas polo seu aspecto palaciego, outros dan cabida nel aos palacetes urbanos mesmo a todo o conxunto de casas blasonadas que xorden na campiña galega rezumando encanto e harmonía coa contorna, pero que carecen de todo valor arquitectónico. Se nos atemos á definición historiográfica clásica un pazo é a casa solariega galega edificada no campo posuidora de signos heráldicos, de proporcións e trazos suntuarios moi superiores aos do hábitat normal da zona. Pero a realidade é que se trata dunha complexa realidade arquitectónica na que se engloban ademais da construción residencial propiamente dita, outro conxunto de estruturas, de función e carácter moi diferentes, entre as que cabe destacar a capela, o pombal, o patio, o portalón, etc. Todas elas conforman unha amálgama construtiva de carácter rural, pero tamén señorial caracterizada pola súa perfecta harmonía coa paisaxe que a acubilla.

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

XUÑO 13 

Conferenciante: HIGINIO GONZÁLEZ JORGE ( UVI) 

Título: “Sistemas aéreos non tripulados (drons), pasado, presente e futuro” 

Resumo: Os sistemas aéreos non tripulados, máis coñecidos como drons supuxeron unha gran evolución tecnolóxica os últimos anos, producindo unha democratización dos servizos aéreos. Moitas operacións que antes se realizaban mediante sistemas tripulados como avións ou helicópteros hoxe realízanse con sistemas non tripulados. Entre as máis coñecidas destacan o sector audiovisual, topografía, vixilancia ou inspección de infraestruturas. Prevese que o mercado siga crecendo nas próximas décadas e chéguense a implementar outras aplicacións relacionadas por exemplo con loxística ou robótica industrial. 

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

OUTUBRO 10
Conferenciante: MONTSERRAT RODRIGUEZ PAZ (IEV)

Título: “A Igrexa de Santa María de Vigo, atalaia da nosa historia: 1719 -2019”
Resumo: O mundo relixioso vai definir o desenvolvemento da vila de Vigo, durante a Idade Moderna, por iso resultou un feito diferencial o recoñecemento da Igrexa parroquial de Santa María de Vigo como COLEXIATA no1497. A partires dese momento, a propia evolución constructiva do templo fala da evolución da vila e dos seus habitantes, ao sufrir os saqueos corsarios, as crises económicos, os efectos devastadores das inclemencias do tempo… , en definitiva, o devir histórico da futura cidade olívica.
Mais, hai 300 anos, produciuse un feito diferencial, o último ataque inglés á nosa Ría, corría o ano 1719. O Vigo daquel entón seguía a ser unha pequena vila que loitaba por sobrevivir de cara ao mar, mais protexéndose dos perigos que se achegaban por el (aló das illas Cíes). Foi un feito claramente dirixido cara ás costas galegas e que marcará o final dun periodo de grande inestabilidade, iniciando os cambios que levaron a Vigo a ser a cidade actual.
Nese contexto histórico, as torres da Concatedral de Vigo, convertíronse en centinelas das fermosas Illas Cíes e en narradoras dalgunhas páxinas da nosa historia que dende alí foron escritas. Esta é unha historia de Vigo dende esa atalaia.

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

OUTUBRO 24 

Conferenciante: KAIS MOHAMED FALCÓN ( UVI) 

Titulo: “Un pequeno empuxón no Clima. Grandes consecuencias de pequenos cambios” 

Resumen: Vivimos nunha época de cambios. Cambios sociais, tecnolóxicos, políticos e ambientais. O cambio climático, na súa manifestación de quecemento global a causa do efecto invernadoiro provocado pola actividade humana, é un dos cambios que máis atención recibiu por parte da sociedade xeral nas dúas últimas décadas. 

A terra experimentou cambios de magnitude similar, ou superior, no pasado. Con todo, na súa maioría estes cambios son graduais, con escasa relevancia para o ritmo ao que as sociedades humanas desenvólvense. Con todo, os estudos de maior precisión temporal puxeron de manifesto que estes cambios graduais ven aderezados por cambios de gran magnitude que ocorren a escalas decadales ou seculares, con gran potencial de disrupción para as nosas sociedades. Son os chamados Cambios Climáticos Abruptos. 

Nesta charla darase unha breve introdución a estes cambios, as súas causas, o seu estudo e os desafíos.

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

NOVEMBRO 14 

Conferenciante: GIANLUCA MARIÑO ( UVI)

Título: “O quecemento global: técnicas de estudo e predición” 

Resumo: O Panel Intergobernamental do Cambio Climático ( IPCC) das Nacións Unidas reúnese periodicamente co propósito de establecer como cambia o clima como consecuencia das enormes cantidades de CO2 coas que estamos a contaminar a atmosfera. 

Uns dos temas clave é canto aumentará a temperatura ao longo do próximo século. A precisión destes cálculos depende da “sensibilidade climática”, é dicir, de canto aumentará a temperatura cando se duplique a concentración de CO2 atmosférico con respecto aos seus niveis preindustriales. Noutras palabras, de como de sensible é (e vai ser) o clima ao incremento de CO2 atmosférico. 

Esta charla introducirá o concepto de sensibilidade climática e expoñerá uns exemplos nos que se mostra como se pode chegar a acoutar a sensibilidade climática a partir da información que nos proporciona o rexistro xeolóxico. 

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

DECEMBRO 12
Conferenciante: JOSÉ RAMÓN CABANELAS ( IEV)
Título: “Impacto socioeconómico da Primeira Guerra Mundial en Vigo”
Resumo: Espionaxe entre os 11 buques alemáns e austro húngaros internados na ría e a colonia do Cable Inglés. A espía alemá Mata Hari en Vigo. Repercusión da Guerra no tecido social. Ricos e pobres. Crispación do proletariado polo encarecemento dos produtos alimenticios de primeira necesidade. A primeira gran manifestación de Vigo. Vigo no Tratado de Versalles.

Lugar: Sala-Hemeroteca , Escola Municipal de Artes e Oficios, r/ García Barbón nº 5, Vigo. 

Hora: 19:30

Nova Conferencia do Forum IEV: Antonio Palacios, entre Vigo e Madrid por José Ramón Iglesias Veiga

Este xoves, 21 de xuño ás 19:30 conferencia sobre “Antonio Palacios, entre Vigo e Madrid” por José Ramón Iglesias, do Instituto de Estudios Vigueses, na nosa hemeroteca.
Resumo:

Proponse un percorrido virtual polas variantes da creación de Antonio Palacios en Madrid e Galicia, con atención á pensada para Vigo e a súa bisbarra. A aproximación á obra deste arquitecto porriñés terá un carácter eminentemente visual que, ademais de amosar as relacións cos estilos da súa época, permita comprender aspectos da súa singularidade, como a dimensión cosmopolita que adopta no centro da metrópole e a mirada ao vernáculo dalgunhas propostas galegas, dentro dunha hipotética contraposición entre modernidade e tradición. Tamén se examinará a importancia dada a expresividade dos materiais, especialmente ao nobre granito. 

Conferencia na EMAO: Castrelos: 800 anos de vida románica

Santa María de Castrelos: Ventá interior

Conferencia

Castrelos, 800 años de vida románica

impartida por Francisco Javier Ocaña Eiroa

Venres 15 xaneiro 2016 ás 18:30

Salón de actos da Escola Municipal de Artes e Oficios de Vigo

Entrada libre ata completar o aforo

A Igrexa de Santa María de Castrelos cumprirá neste ano de 2016, 800 anos de existencia. Unha inscrición no muro esquerdo da entrada da ábsida sinala o ano de 1216 como o da súa construcción.

A Escola Municipal de Artes e Oficios de Vigo, que cumpre tamén neste 2016 o 130 aniversario da súa fundación, quere adicar unha atención especial durante este ano á conmemoración e celebración dun edificio que é un fito imprescindible do patrimonio cultural da nosa cidade.

Para dar comezo a este irmanamento, o vindeiro venres 15 de xaneiro, pronunciará unha conferencia na nosa Escola, o profesor Francisco Javier Ocaña Eiroa, na que analizará os principais aspectos históricos, arqueolóxicos e arquitectónicos deste monumento.

Fco. Javier Ocaña é un dos máis relevantes estudiosos da románico galego e español. Autor de numerosas publicacións e cursos de especialización sobre a arte e arquitectura desta espléndida época medieval, reúne, ademais, un inmenso arquivo fotográfico de gran calidade, producto de máis de 40 anos de incansable documentación gráfica persoal do románico da península. As súas monografías sobre o románico vigués en particular, son de obrigada referencia para calquera que queira achegarse con rigor arquelóxico a esa parte do noso patrimonio. É o autor e administrador tamén da páxina web “Fotografía y pubicaciones románicas”.

A igrexa de Castrelos é un dos mellores exemplos vivos do románico rural galego. Non ten modificacións nin mutilaciónes que nos fixeran pensar que estamos ante unha igrea retocada, senon, pola contra, a súa realidade actual é a que os seus primitivos constructores decidiron.

Castrelos é unha obra bioloxicamente viva, aínda en pé, de estilo puro da terceira arte románica, na que non se observan incorporacións.

Cómpre tamén salientar, a maiores da súa conservada arquitectura e dos importantes detalles decorativos pétreos de época románica, a presencia no seu interior de pinturas murais datables entre os séculos XV e XVI, que representan un Cristo en Maxestade, unha misa de san Gregorio e unha Epifanía.

Conserva unha ubicación privilexiada cun amplo adro que enaltece a contemplación plástica exterior do edificio ao poder ser percorrido coa vista e co paso, permitindo, á vez, disfrutar da panorámica da cidade.

Sumándose á conmemoración do 800 aniversario deste monumento, a EMAO adicará este ano a súa exposición colectiva Proxecto 2016 --coa que finalizará o curso 2015-2016-, á igrexa románica de Santa María de Castrelos, co traballo de reinterpretación e visión artística e artesana do monumento,  que realizará o profesorado e alumnado das distintas especialidades nestes meses para, logo, seren exhibidos os seus resultados no Espazo EMAO.

Santa María de Castrelos: pinturas murais interiores

Os Deseños de Josef M. Olbrich na Biblioteca da Emao

Joseph Maria Olbrich (1867-1908) foi un arquitecto e diseñador industrial nacido en Opava, Imperio austrohúngaro (actual República Checa). Constituíu o movemento inconformista vienés, xunto con Josef Hoffmann (1870-1956). O movemento Art Nouveau -como se lle chamou en Francia- estableceu un tránsito entre a arquitectura ecléctica de finais do século XIX coa arquitectura moderna, das primeiras décadas do século XX. En Austria chamóuselle Jugendstil, tamén coñecido como Secezion (Secesión) e congregou a un grupo e arquitectos, pintores, escultores e outros artistas vieneses. Entre os arquitectos máis importantes deste movemento están Josef Hoffmann, Otto Wagner e o seu alumno Joseph Maria Olbrich. O edificio máis emblemático desa corrente é precisamente a sé do movemento, deseñada por Olbrich. En 1899 Olbrich foi invitado polo Gran Duque de Hesse para establecer unha Colonia de Artistas en Darmstadt en Alemania. Esta colonia aspiraba a combinar a arte, a arquitectura e a produción artística.Von Hessen invitou a sete artistas, incluíndo a Hans Christiansen, Joseph Maria Olbrich e Peter Behrens a formar unha comunidade na que puidesen traballar, vivir e ensinar. A maioría das casas, aínda que con deseños individuais, foron construídas por Olbrich.

Na nosa biblioteca conservamos un cartafol con algúns dos seus deseños, publicado en Leipzig en 1904. 

Exposición "Manuel Gómez Román. Arquitecto e Galeguista" na Casa Galega da Cultura

Este mércores día 15 de outubro, foi a inauguración na sala de exposicións da Casa Galega da Cultura (praza da Princesa, 2) da mostra "Manuel Gómez Román. Arquitecto e galeguista. Unha ollada desde a Casa Galega da Cultura", organizada pola Fundación Penzol en colaboración coa Concellería de Cultura e Festas e maila Editorial Galaxia, con motivo do 50ª aniversario do seu pasamento. 

Neste ano 2014, o día 11 de novembro, cumpriranse 50 anos do pasamento de Manuel Gómez Román, unha das figuras máis importantes da arquitectura galega, cunha vida chea de compromiso con Vigo e Galicia.

A exposición permanecerá aberta ao público ata o 23 de novembro.

Evolución Histórica do Edificio do Museo Provincial de Ourense

O musarqourense presenta o vídeo coa reconstrución en 3D «Evolución histórica do edificio do Museo Provincial de Ourense». Este filme reflexa os resultados das escavacións e investigacións que durante anos foron levadas a cabo no inmoble. O edificio coñecido como Pazos, Torres e Curral do bispo é un dos escasos exemplos de arquitectura románica civil conservada ao que se foron engadindo soportes representativos de cada tempo histórico. 

Presentación do libro "Arquitectura e Indianos na Cidade de Vigo e Bisbarra"

Casa Bonín (rúa Areal). Obra de Jenaro de la Fuente

Este xoves, 23 de maio, ás 19:30 h presentase na Casa do Libro (rúa Velázquez Moreno, 27. Vigo) o libro títulado "Arquitectura e indianos na cidade de Vigo e bisbarra"  que edita o Instituto de Estudos Vigueses, esta obra inclúe un completo estudo sobre a influencia das fortunas creadas pola emigración galega en América, os coñecidos popularmente como indianos, na arquitectura da comarca viguesa. O responsable deste extenso traballo é José Ramón Iglesias Veiga, doutor en Historia da Arte e membro numerario do Instituto de Estudos Vigueses. Máis información

VIGO, ARQUITECTURA PERDIDA

Espero que vos guste este vídeo títulado "Arquitectura perdida" que colgou en YouTube Cris & FM. Neste vídeo pódese apreciar gran parte dos edificios perdidos da cidade de Vigo. Por iso, móstranse situados nos seus emprazamentos orixinais, pero adaptados en imaxes actuais. Primeiro ven os edificios existentes e logo desaparecen para mostrar aquelas construcións que foron demolidas. Tamén se poden observar as mutilaciones e alteracións noutros edificios, á vez que estupendas recuperacións. 

Se estades interesados, na nosa biblioteca temos o libro "La ciudad que se perdió : arquitectura desaparecida, arquitectura no realizada" de Jaime Garrido Rodríguez, que podedes consultar na nosa pequena sección local.