Imaxes da Inauguración da exposición "50 anos na arte de Diego de Giráldez" no Espazo Emao

Inauguración da Exposición "50 anos na arte de Diego de Giráldez" no Espazo EMAO

EXPOSICIÓN

50 anos na arte de Diego de Giráldez
Lugar: Espazo EMAO-Sala de Exposicións da Escola Municipal de Artes e Oficios de Vigo. Avda. García Barbón, 5 -entradas por rúa Pontevedra e Rosalía de Castro
Datas: 28 de febreiro ao 14 de abril de 2020
Horario: laborables de 19:00 a 21:00 horas
Produción: Casa-Museo Diego de Giráldez e Concellería de Educación. Escola Municipal de Artes e Oficios. Concello de Vigo.
Inauguración: 28 de febreiro de 2020 ás 19:00 horas

Comezou a Montaxe da Exposición "50 Anos na Arte de Diego de Giráldez" no Espazo EMAO

Exposición na EMAO: "50 anos na arte de Diego de Giráldez"

EXPOSICIÓN

50 anos na arte de Diego de Giráldez
Lugar: Espazo EMAO-Sala de Exposicións da Escola Municipal de Artes e Oficios de Vigo. Avda. García Barbón, 5 -entradas por rúa Pontevedra e Rosalía de Castro
Datas: 28 de febreiro ao 14 de abril de 2020
Horario: laborables de 19:00 a 21:00 horas
Produción: Casa-Museo Diego de Giráldez e Concellería de Educación. Escola Municipal de Artes e Oficios. Concello de Vigo.
Inauguración: 28 de febreiro de 2020 ás 19:00 horas

 

Iniciábase o curso 1969-70, hai agora 50 anos, cando un adolescente Diego de Giráldez matriculábase na Escola Municipal de Artes e Oficios de Vigo nas materias de Debuxo ornamental, Composición decorativa e Pintura, se ben xa dende o ano 67 entraba nas súas clases aínda sen estar dado de alta nin ter cumprida a idade regulamentaria para o ingreso. Nestas aulas estivo ata o remate do curso 1975-76, momento no que a súa obra adquiríu valor creativo abondo para que despertase o interese dos galeristas e críticos de Vigo e comezase unha moi temperán etapa profesional.
Aquel mozo desenvolveu así, ao abeiro das aulas da Escola de Artes e Oficios, as súas extraordinarias capacidades para o debuxo, a pintura e o volume e iniciou unha longa carreira artística que rapidamente se manifestou non só no ámbito privado, senon tamén no público coa exposición primeiro colectiva e deseguido individual da súa incipiente pero xa valorada obra: en 1975, aínda estudante na Escola, a galería viguesa Van Gogh comeza a expoñer a súas obras e comeza tamén a recibir a atención ao seu talento non só do profesorado da Escola, noemadamente de Camilo Nogueira, que o anima a comezar tamén a traballar o volume e modelado, senon tamén da crítica de arte da época.
Na Escola de Artes preparou o seu primeiro exame da Academia de Bellas Artes de San Fernando para, inmediatamente, desenvolver as súas inquedanzas en Catalunya, en Figueres e Girona onde, premonitoriamente para o que logo será o seu estilo e influenzas, coñecer e relacionarse persoalmente con Salvador Dalí e causar a admiración e acollemento dun pintor consagrado como Antoni Pixot. En Girona, onde instalou estudo, comezou unha intensa actividade expositiva promovida pola daquela Caixa d’Estalvis.
Xa a partir dos anos 80 a súa obra é amplamente recoñecida, producíndose numerosísimas exposicións en España e Europa e pasando a súa obra a formar parte de importantes Museos e coleccións privadas.
Dende aqueles comezos ata hoxe, a obra de Diego de Giráldez seguíu extendéndose para convertirse nunha singular e extraordinaria aportación á pintura realista española co carácter especial e único que el definiu como Realismo NAS (Naturalismo, Abstración e Surrealismo). A súa aportación cultural queda ademais reflexada na creación e mantemento da Casa-Museo Diego de Giráldez na súa localidade natal da Cañiza.

A exposición que inauguramos na Escola Municipal de Artes e Oficios de Vigo o vindeiro 28 de febreiro, se ben exhibe unha importante cantidade de obras, non trata de ser en absoluto un imposible repaso exhaustivo e comprensivo da totalidade da súa produción artística en pintura e escultura, senon ofrecer ao público unha visión xeral do artista, da súa principal produción creativa pero, pensamos que por primeira vez na longa historia expositiva que el atesoura, sen pretensións cronolóxicas tamén amosar os seus inicios como aprendiz na nosa Escola.

Con esta exposición queremos homenaxear e exemplificar sobranceiramente en Diego de Giráldez -aquel neno con fortes inquedanzas artísticas que hai 50 anos habitou as aulas da nosa institución educativa- o labor formativo da máis que centenaria Escola Municipal de Artes e Oficios de Vigo. Gústanos pensar que aquela primeira experiencia de Diego nos nobles edificios doados por José García Barbón -que materializaba os anceios renovadores da cultura e da arte que impulsou a Institución Libre de Ensinanza e fixo posible a sabidoría e entrega da Eduardo Chao nos albores do século XX- estivo e está presente na extraordinaria obra pictórica e escultórica do noso artista.

[Non é obxecto destas notas de presentación da exposición “50 anos na arte de Diego de Giráldez” facer unha biografía artística do artista. Esta pode consultarse exhaustivamente en:
http://artistasvigueses.blogspot.com/2017/09/diego-de-giraldez.html
http://artistasgalegos.blogspot.com/2017/10/diego-de-giraldez.html
http://diegodegiraldeznas.blogspot.com/]

Imaxes da Actuación de Moscuxia Cuartet no Espazo EMAO

Venres, 13 de Decembro, Actuación Musical do Grupo Folk Moscuxia Cuartet no Espazo EMAO

Dentro das actividades complementarias da Exposición "É Encaixe", que se exhibe no Espazo EMAO (sala de exposicións da Escola Municipal de Artes e Oficios de Vigo), terá lugar na mesma sala este venres día 13 de decembro ás 19:15  unha actuación musical do grupo de música tradicional e folk Moscuxia Cuartet, que lidera o músico e mestre da E-Trad, Xosé Liz de Cea.
Entrada libre ata completar o aforo.

"É Encaixe, A Exposición" no Espazo EMAO

Lémbrovos que podedes visitar non Espazo EMAO a mostra "É Encaixe. A Exposición", cos traballos de maior calidade realizados durante a última década no Obradoiro de Deseño e Encaixe de Palillos da Escola Municipal de Artes e Oficios de Vigo. 

DATAS: Do 22 de novembro de 2019 ao 10 de xaneiro de 2020 en horario de 19:00 a 21:00 de luns a venres non festivos. 

LUGAR: No Espazo EMAO (Sala de Exposicións da Escola Municipal de Artes e Oficios de Vigo). Edificio Anexo da EMAO, entradas pola rúa Pontevedra e Rosalía de Castro.

Inauguración de "É Encaixe, A Expo" no Espazo EMAO

Na EMAO: É Encaixe, a exposición

É Encaixe. A Exposición

A exposición que presentamos amosa os traballos de maior calidade realizados durante a última década no Obradoiro de Deseño e Encaixe de Palillos da Escola Municipal de Artes e Oficios de Vigo. Esta mostra pretende transmitir as posibilidades e a realidade desta artesanía partindo da base, pero indo máis alá, das técnicas, materiais, usos e estética tradicional, facéndoa dialogar e implicarse nunha lingoaxe contemporánea e vinculándoa ao mundo da creatividade.

Quere servir tamén para promover a reflexión sobre a capacidade das mulleres de saírense dos patróns tradicionais femininos que se asocian a esta artesanía (moda, decoración, fogar...) e adoptar, con notable excelencia técnica e creatividade, propostas e discursos contemporáneos.

Móstranse obras artesás e artísticas realizadas por alumnas egresadas da EMAO na última década coa certificación de estudos de Deseño e encaixe de Palillos da EMAO. Son traballos realizados como resultado material dos proxectos de fin de estudos (curso Avanzado) executados baixo a dirección de Marian Núñez --mestra desta disciplina na EMAO-. Utilízanse distintos materiais, técnicas, formas, funcionalidades e estéticas tradicionais e contemporáneas.

Título: É encaixe. A Expo

Produción: Mestra e alumnas da especialidade e equipo de montaxe da Escola Municipal de Artes e Oficios de Vigo, Área de Educación, Concello de Vigo

Lugar: Espazo EMAO (Sala de Exposicións da Escola Municipal de Artes e Oficios de Vigo). Edificio Anexo da EMAO, entradas pola rúa Pontevedra e Rosalía de Castro.

Comisaria: Marian Núñez, mestra de formación da especialidade de Deseño e encaixe de palillos da EMAO

Cartaz: Marian Núñez

Asistencia a montaxe e rotulación: Rafael Romero

Axudante de montaxe: Eduardo Sánchez

Datas: do 22 de novembro de 2019 ao 10 de xaneiro de 2020

Horario: de 19:00 a 21:00 de luns a venres non festivos

Sobre o tempo e o tecer (a propósito dunha exposición) 
Marian Núñez, comisaria da Exposición e mestra da especialidade de Deseño e encaixe de Palillos na EMAO
 

1. O tempo

Pode que o tempo non teña un directo valor de cambio, coma os cartos, pero quen posúe tempo, posúe a chave da creatividade: só o tempo fai fluir as ideas. O diñeiro seméllanos estar por riba de tódalas cousas, pero é o tempo a nosa alfaia mais prezada. O tempo, amigo e enemigo. Como inimigo disfrázase para enmascararnos a rutina cotiá; como amigo é o noso vehículo a mundos imaxinarios –e sen imaxinación non hai creatividade-.

A nosa Escola cultiva ese tempo, transfórmase nun lugar no que é posible aprender con excelencia técnica, pero sobre todo, traballar pacientemente a imaxinación: esa cualidade que abre as portas á creatividade e deixa entrar a luz do pensamento diverxente.

¿Que é senon o desenvolvemento da creatividade senon un camiñar no tempo?.

2. Metáforas: o tecido envolve a vida

O tecido é como a alma das mulleres que loitan por non estaren enleadas nunha urdime patriarcal.

O fío faise ferramenta de creatividade e do desenvolvemento persoal. O tecido é o resultado dun movemento das mans que transforman a materia ao longo dun tempo. É ese tecido/encaixe, unha canle elegante entre homes e mulleres de libre pensamento, de mulleres e homes sen prexuízos.

A paciencia, ese tempo sen culpabilidade, permítenos, enfrontadas ao oficio, desenvolver un proxecto que transcenda á mera utilidade, ao mero artificio, aos saberes preconcebidos. O encaixe: tempo, paciencia, técnica, conciencia, proxecto, convértese nunha linguaxe de loita fronte os canones dominantes, de loita por cuestionar o establecido, de construción dunha crenza e dunha vontade de cambio.

O encaixe que nós concebimos, o que aprendemos e practicamos, transfórmase nun relato silente dun cambio na arte téxtil; un cambio que sexa quen de acadar a concordia co pasado, de unir racional e creativamente tradición e futuro. 
3. “É encaixe”

A exposición amosa con humildade pero con firmeza e confianza, a nosa proposta de que as mans que tecen estes fíos --que se ancoran nos saberes pasados para traspasalos coa forza da heterodoxia, do coñecemento e da creatividade-, abran novas canles de comunicación e unha nova visión da arte téxtil galega.

É Encaixe, é unha proposta de ruptura cos prexuízos, tan presentes no mundo da nosa artesanía, que establecen como dogma que unhas belas mans de muller só poden reproducir o establecido.

¡Pasen e vexan!

Marian Núñez, comisaria da exposición, é mestra da especialidade de Deseño e encaixe de Palillos da Escola Municipal de Artes e Oficios (EMAO) dende hai quince anos. Artista plástico. Estudou Encaixe en Puy-en-Velay (Francia) e Deseño Gráfico Publicitario e Industrial. Traballou durante catro anos en publicidade en Francia, Holanda, Bélxica e Portugal, ata que un día decidíu regresar a Vigo e adicarse á súa outra gran paixón: o encaixe de palillos.

Foi incluída en The San Miguel Rich List 2018, o único ranking mundial de mulleres e homes que destacan polas súas experiencias vitais e non polas súas posesións.

Clausúrase a Exposición Histórica "A Escola de Artes e Oficios, 130 anos na Historia de Vigo. Parte I 1886-1976" con Varias Visitas Guiadas