Convocatoria: Escola de Verán da EMAO 2021

 Dentro da programación prevista no Plan de Estudos da Escola Municipal de Artes e Oficios (PEMAO15), faise a seguinte Convocatoria de cursos de Verán a realizar entre os días 5 e 23 de xullo de 2021, dirixidos ás persoas interesadas non matriculadas actualmente na EMAO, que cumpran os requisitos indicados en cada un dos cursos. 

¿Anímaste?

[Véxanse as condicións para a inscrición ao remate desta entrada]

CURSOS QUE SE CONVOCAN: 

DEBUXO ARTÍSTICO E PINTURA: “MANCHA vs. LIÑA”

Impartido por Federico Fernández e Darío Basso, mestres destas especialidades na EMAO
Destinatarios/as: calquera persoa interesada
Datas: do 7 ao 22 de xullo de 10:00 a 13:00 horas
Duración: 36 horas
Obxectivo: Monográfico de iniciación á Creación Plástica que se centrará nas posibilidades da liña e as súas alternativas complementarias coa mancha.  

Programa:
Obxectivo xeral: achegamento básico á liña e a mancha como vertebradores da imaxen plástica.
Obxectivos específicos:

• Analizar obras nas que o uso da liña e o uso da mancha sexan claves para a súa construcción
• Coñecer a linguaxe da liña e da mancha
• Coñecer as técnicas cas que abordar os debuxos no uso da liña e da mancha combinando os dous elementos
• Utilizar o recurso gráfico da liña a través da trama, o garabato e a textura visual
• Utilizar o recurso plástico da mancha para a integración da imaxen no espazo visual
• Realizar debuxos acabados utilizando estes recursos gráficos

Contidos

• Unha mirada á historia da representación plástica, desde o Renacemento ata o século XX
• A linguaxe gráfica básica da liña e a plasticidade da mancha
• A trama. O garabato. Os degradados. As texturas visuais
• Realización práctica do uso da liña e da mancha, a trama e a textura.
• Estudo e observación destes elementos a partir de debuxos de láminas
• Aplicación práctica dos recursos gráficos e plásticos destes elementos utilizando modelos naturais

Material a aportar polo alumnado: block de debuxo A3 180/200gr. ou Canson c a grain ou fabriano academia estilógrafos de varios grosores (custo estimado material a mercar polo alumnado: 20 €)
Alumnado máximo: 15

CERÁMICA ARTÍSTICA E SERIGRAFÍA ARTÍSTICA: “TRANSFERIBLES: SERIGRAFÍA CERÁMICA”

Impartido por Miguel Vázquez e Alba Pardo, mestre e mestra da EMAO destas especialidades

Destinatarios/as: persoas con coñecementos previos en cerámica ou serigrafía adquiridos na EMAO ou acreditados presentando un currículum formativo
Datas: do 9 ao 22 de xullo, de 10 a 13,30 horas
Duración: 36 horas
Obxectivo: aproximación á serigrafía cerámica mediante as posibilidades da cuatricromía como proceso experimental

Programa:
Tratamento das imaxes elixidas: separación en canais e angulación de trama
Preparación da pantalla serigráfica, emulsionado, insolado, revelado, rexistro,
Estampación das tintas e da película de extracción,
Ancoraxe dos transfer sobre soporte cerámico
Esmaltado e cocción.
Material a aportar polo alumnado: Cinta adhesiva (de embalaxe e de pintor), acetato transparente de 42 x 60 cm aproximadamente, memoria USB (pendrive), luvas, regra de corte, cúter.
Alumnado máximo: 10

DESEÑO E ENCAIXE DE PALILLOS E ARTESANÍA EN COIRO: “O FÍO NA PEL”

Impartido por Marian Nuñez e Pepe Pereira mestra e mestre destas  especialidades na EMAO
Destinatarios/as: calquera persoa, sen necesidade de que teña coñecementos previos de ningunha das materias.
Datas: do 5 ao 15 de xullo, de 10:00 a 14:00 horas
Duración: 36 horas
Obxectivos: Realizando un colar tipo Gola faremos unha pequena aproximación a técnicas básicas das dúas especialidades mantendo un primeiro contacto cos materiais.
Programa:
Artesanía en Coiro

• ¿Qué é o Coiro? Definición e tipos
• ¿Qué é o curtido? Definición e tipos
• Aproximación ás técnicas decorativas
• O Repuxado
• O Modelado
• A costura de Guarnicioneiro

Deseño e Encaixe de Palillos (metodoloxía teórico-práctica)

• Materiais e ferramenta a empregar
• Deseño para a estrutura do encaixe
• Enchido dos palillos
• Realización básica do punto de tecido e cordóns (Par Enteiro)
• Engarzar o fío na peza de coiro para completar a peza realizada en coiro
• Remate do punto de tecido para unir coa pel

Material a aportar polo alumnado: os consumíbeis que se solicitan, compraranse unha vez comece o curso, pois adaptaranse ao que hai que crear. O fío se pode aproveitar o que teñan ou mercar novo.
Custo de mercado aproximado do material: 18 €
Alumnado máximo: 10

CAIM-ZANFONA: “BANCO DE CARPINTEIRO”

Impartido por Xaime Rivas, mestre da EMAO da especialidade
Destinatarios/as: O curso está destinado a ofrecer un punto de arrinque a todas aquelas persoas que queren iniciarse na artesanía musical.
Datas: do 5 ao 20 de xullo, de 10 a 13 horas
Duración: 36 horas
Obxectivo: Manexar e preparar a ferramenta manual que se emprega en carpintaría e por extensión na construción de instrumentos musicais de madeira.

Programa:

• Manexo de ferramenta do banco de carpinteiro a través da realización dos obxectos propostos

Material a aportar polo alumnado: madeira de Faia (gasto e consumo compartido polo grupo de asistentes). Taboleiro de contrachapado de 600x400x4mm (para emprego individual)
Alumnado máximo: 8

CAIM GAITA: “INICIACIÓN Á CONSTRUCIÓN DE PALLETAS”

Impartido por Carlos Corral, mestre da EMAO da especialidade
Destinatarios/as: persoas interesadas, en xeral, que non fixeran o curso habitual, e preferentemente gaiteiros/as.
Datas: do 5 ao 15 de xullo, de 10 a 14 horas
Duración: 36 horas
Obxectivo: Iniciarse na construción e posterior manipulado de palletas

Programa:

• Identificación e selección da cana
• Calibrado do interior das palas
• Conformación da estrutura, mecanizado e axuste do tudel
• Montaxe da palleta, elaboración e colocación do ferrete
• Desbaste das paletas, afinación

Material a aportar polo alumnado: navalla e calibre (pe de rei) (prezo estimado de mercado: o custo dependerá da calidade do que se merque, podendo oscilar entre os 30 e os 50 €)
Alumnado máximo: 8
 

MODA E CONFECCIÓN: “NON SEI COSER UN BOTÓN”

Impartido por Emma Pintos, mestra da EMAO da especialidade
Destinatarios/as: calquera persoa interesada en aprender “costura de supervivencia”
Datas: do 12 ao 23 de xullo, de 9,30 a 13,00 horas
Duración: 36 horas
Obxectivo: Curso se introdución á costura. Nestas sesións trataranse as técnicas básicas de costura a man e a máquina traballando sobre proxectos sinxelos e prácticos.

Programa:

• Conceptos básicos de costura a man
• Ferramentas necesarias na caixa de costura
• Coser diferentes tipos de botóns
• Puntadas manuais básicas ( pespunte, puntada invisible, sobrefiado...)
• A máquina de coser:
• Partes da máquina
• Manexo da máquina
• Tipos de costuras

• Proxecto 1 mandil e o mantel - Proxecto 2 a bolsa da compra- Proxecto 3 a mochila festivaleria- Proxecto 4 funda de tesoira e alfineteiro

Material a aportar polo alumnado: alfinetes, agullas, cinta métrica,tesoira, dedal, e teas e accesorios para os proxectos (serán especificados o primeiro día de clase)
Alumnado máximo: 14
 

TALLA E ESCULTURA EN MADEIRA: “ESTAMPACIÓN E EDICIÓN DUNHA CARPETA DE GRAVADOS” 

Impartido por Rosa García mestra da EMAO da especialidade
Destinatarios/as: persoas cun interese artístico no campo da arte gráfica e a edición
Datas: do 5 ao 20 de xullo, de 10 a 13 horas
Duración: 36 horas
Obxectivo: realización dunha tiraxe de gravados en relevo e confección dunha caixa e carpeta artística como concepto de obra orixinal.
Programa:

• O gravado en relevo
• Entintado e estampación nunha, dúas tintas e oco
• Realización dunha serie para a súa edición
• A importancia da presentación como parte da obra
• Elaboración dunha caixa co deseño axeitado aos gravados
• Establecer un diálogo entre contedor e contido

Material a aportar polo alumnado: linóleo, papeles de gravado, libreta de apuntes/debuxo, regla de corte (metálica) e cúter
Alumnado máximo: 8

-------------------------------------------------------------------------------------------------------------------
INSCRICIÓN E CONDICIÓNS COMÚNS A TÓDOLOS CURSOS

Duración: 36 horas
Datas: entre o 5 e o 23 de xullo de 2021. Horario de maña (consúltense datas e horarios específicos)
Lugar: Aulas e talleres da Escola Muncipal de Artes e Oficios de Vigo
Prazas limitadas: ver número máximo de alumnos/as na convocatoria específica

Inscrición: 

Ata o 1 de xullo

Gratuíta

Mediante envío de correo electrónico ao enderezo emao@vigo.org, cos seguintes datos (imprescindibles para ser admitido/a):

• No "Asunto": [nome do curso]
• Nome e apelidos do/a solicitante:
• DNI:
• Enderezo de correo electrónico no que desexan recibir a confirmación de admisión, se é o caso.
• Anos nos que cursou estudos da especialidade na EMAO: [só curso de Cerámica e Serigrafía]
• Acreditación de coñecementos previos mediante currículum (ou enlace a páxina web persoal), só no caso dos cursos nas que se requira experiencia ou coñecementos previos.

Admisión de solicitudes:

• Non poderán inscribirse as persoas que estean matriculadas na EMAO no curso 2020-2021
• Só se admiten persoas maiores de 16 anos.
• Só serán válidas as solicitudes que non cumpran estritamente as condicións indicadas nesta convocatoria para cada curso en concreto. 
• A inscrición farase por estrita orde de recepción do correo electrónico de solicitude ata cubrir o máximo de prazas ofertadas [agás naqueles cursos nos que se esixa coñecemento ou experiencia previa, que deberán pasar polo filtro previo de cumprir este requisito]
• A confirmación da matrícula realizaraa a EMAO exclusivamente por correo electrónico. No caso de producírense vacantes no primeiro día do curso, convocarase á lista de reserva.
  

Será obrigatorio o cumprimento das normas de prevención COVID-19 da EMAO.

Venres da EMAO 13/03/2020: Introdución a un documental conversado

Os Venres da EMAO

Programación cultural semanal da Escola Municipal de Artes e Oficios 

PRESENTA

ACTO ANULADO POLA CRISE COVID-19

Presentación do libro "Enteiramente Pintado" sobre o Legado de Berta Cáccamo

A pintora Berta Caccamo (Vigo, 1963-2018), profesora de Belas Artes e integrante do colectivo Atlántico, foi unha das figuras da pintura contemporanea galega. Neste acto, "Enteiramente Pintado" non só se fará a presentación do libro homónimo por Juan de Nieves, comisario da exposición que se fixo o ano pasado, se non que se fará tamén un percorrido vital da artista e unha homenaxe á súa memoria. 

Interviran o seu irmán, Xosé Cáccamo, que abordará a orixe do seu legado, e que nos leerá o seu sentido poema "Berta"; e o crítico de arte Carlos Bernárdez, que se ocupou de escribir sobre a obra da pintora desde un punto de vista analítico

Convocatoria Xaneiro 2020 Especialidades de Pintura, Debuxo, Serigrafía, Ourivaría e Moda

CURSO 2019-2020
XANEIRO 2020
CONVOCATORIA ESPECIALIDADES DE PINTURA, DEBUXO ARTÍSTICO, SERIGRAFÍA ARTÍSTICA, OURIVARÍA E MODA E CONFECCIÓN
ESCOLA MUNICIPAL DE ARTES E OFICIOS DE VIGO

0. NORMATIVA XERAL DE APLICACIÓN
A presente convocatoria realízase ao abeiro da Normativa do Plan de Estudos 2015 (PEEMAO2015), aprobada pola Xunta Reitora do Organismo Autónomo na súa sesión de 16/04/2015, que pode consultarse aquí, e posteriores modificacións aprobadas na sesión da Xunta Reitora de data 10/12/2015 e na sesión da Xunta de Goberno Local de data 29/04/2016. Así mesmo, é de aplicación o contido na Convocatoria Xeral do curso 2019-20 publicada na web municipal.
As normas alí contidas son de directa aplicación á presente convocatoria.

A. MATRÍCULA ALUMNADO NOVO INGRESO NAS ESPECIALIDADES DE DEBUXO ARTÍSTICO E PINTURA
As persoas para novo acceso admitidas nestas especialidades figuran na lista de Admisións conforme ao resultado do Sorteo realizado no mes de setembro de 2019 que está publicada na páxina web municipal.
As persoas seleccionadas deberán obrigatoriamente para seren admitidas, formalizar a súa matrícula, mediante a presentación na Oficina administrativa do impreso oficial que se poderá recoller na mesma. Con este impreso deberán aportar copia do DNI ou Pasaporte. O prazo para a formalización será do día 8 ao 13 de xaneiro de 2020.
A non formalización da matrícula en prazo, significará a inmediata baixa, e, consecuentemente, a praza será ofrecida ao/á/s solicitante/s que corresponda na lista de reserva derivada da aplicación dos resultados do sorteo ou probas de acceso (se é o caso).
A formalización da matrícula implica a plena aceptación polo alumno/a do Plan de Estudos 2015 (PEMAO2015), aprobado pola Xunta Reitora do Organismo Autónomo EMAO de 16/04/2015), e as modificacións correspondentes aprobadas pola Xunta Reitora e a Xunta de Goberno Local e demais normas de funcionamento vixentes.

B. INICIO DO CURSO DO ALUMNADO PROCEDENTE DE CURSOS ANTERIORES DAS ESPECIALIDADES DE PINTURA, DEBUXO ARTÍSTICO, OURIVARÍA, MODA E CONFECCIÓN E SERIGRAFÍA ARTÍSTICA
As clases das especialidades de referencia iniciaranse a partir do día 13 de xaneiro de 2020 no día e hora indicado no horario oficial da Especialidade recollido na Convocatoria Xeral do curso 2019-20.

C. PROBAS DE ACCESO ESPECIALIDADES DE OURIVARÍA E MODA E CONFECCIÓN
1. Conforme ás normas de acceso recollidas na Convocatoria xeral, publicáronse na páxina web municipal os listados de preinscritos/as nestas especialidades.
2. Para a selección e matrícula definitiva nestas especialidades, os/as preinscritos/as deberán realizar a correspondente proba de acceso, que terá lugar nas seguintes datas e horas:

• Moda e Confección (acceso a curso Básico -tardes- e Iniciación -mañás):13 de xaneiro ás 16:00 h. Na Aula de Moda e Confección da EMAO
• Ourivaría (acceso a curso Básico -tardes- e Iniciación -mañás): 14 de xaneiro ás 16:00 h. Na Aula de Ourivaría da EMAO

3. Contido das probas
As probas de acceso para as citadas especialidades terán dúas partes.

• A primeira será un cuestionario no que o/a aspirante deberá cumprimentar preguntas xenéricas. Estas preguntas nunca serán referidas a cuestións técnicas sobre a especialidade. A valoración do cuestionario será global de 0 a 10.
• A segunda parte será un exercicio práctico co material específico de cada especialidade, no que non se valorarán coñecementos específicos previos relativos á especialidade, senón conceptos, como habilidade, actitude, recursos e creatividade.

A nota final sairá da valoración conxunta do cuestionario e mais a proba práctica, e ponderarase de 0 a 10.
O tempo para realizar a proba de acceso a estas especialidades será aproximadamente de 30 minutos en total.
O/a aspirante presentarase no horario indicado co DNI e un bolígrafo.

D. MATRÍCULA E INICIO DO CURSO EN SERIGRAFÍA ARTÍSTICA
No caso da especialidade de Serigrafía artística, o alumnado matriculado no curso 2018-19 (curso que non se realizou na súa totalidade por baixa da mestra titular) poderá repetir no mesmo nivel no que estaba matriculado. As clases comezarán a partir 13 de xaneiro de 2020, no día e hora que corresponda segundo os horarios oficiais para o curso 2019-20 xa publicados.

E. HORARIOS DE ADMINISTRACIÓN E INFORMACIÓN
Lugar: Edificio principal da EMAO, rúa García Barbón, 5.
Horario: de 10 h. a 14 h., laborables de luns a venres (agosto, pechado)
Información: páxina web-EMAO
Correo electrónico: emao[arroba]vigo.org
Tfno.: 986228088

Vídeos da Conferencia de Beatriz de San Ildefonso "A Influencia da EMAO nas Artes Plásticas de Vigo"

Dentro do programa complementario da Exposición A Escola de Artes e Oficios, 130 anos na Historia de Vigo, tivo lugar a conferencia A influencia da Escola Municipal de Artes e Oficios nas Artes plásticas en Vigo: da formación ao artista, a cargo de Beatriz de San Ildefonso Rodríguez.

Día: mércores 2 de outubro de 2019
Hora: 19:30
Lugar: Biblioteca da Escola de Artes e Oficios (García Barbón, 5)

Vídeo 1 Vídeo 2 Vídeo 3

Imaxes da Conferencia de Beatriz de San Ildefonso sobre "A Influencia da Escola Municipal de Artes e Oficios nas Artes Plásticas de Vigo"

Xosé Carlos L. Bernárdez e Beatriz de San Ildefonso

Conferencia na EMAO: A influencia da Escola Municipal de Artes e Oficios nas Artes plásticas en Vigo: da formación ao artista

Dentro do programa complementario da Exposición "A Escola de Artes e Oficios, 130 anos na Historia de Vigo", terá lugar a conferencia A influencia da Escola Municipal de Artes e Oficios nas Artes plásticas en Vigo: da formación ao artista, a cargo de Beatriz de San Ildefonso Rodríguez.

Día: mércores 2 de outubro de 2019
Hora: 19:30
Lugar: Biblioteca da Escola de Artes e Oficios (García Barbón, 5)

Convocatoria do curso 2019-2020 na Escola Municipal de Artes e Oficios de Vigo

Convocatoria xeral do curso 2019-2020

Información completa e horarios

Preinscrición 

A preinscrición, nas prazas ofertadas poderá facerse, nos prazos sinalados:

• Por internet: na web-EMAO [opción recomendada] http://emmavigo.org/emaoadmin/preinscricion/
• Presencial: na oficina administrativa da EMAO entregando cuberto o Impreso de pre-inscrición subministrado nela. Tamén cubrindo dende o ordenador e imprimindo o "Formulario de Pre-inscrición", un PDF editable que deberá entregarse presencialmente por duplicado, unha vez impreso polo solicitante, na Oficina Administrativa (cubrilo, sen entregalo, ou envialo por email, non é válido como inscrición)

O listado de pre-inscritos exporase no tabolerio oficial de anuncios da EMAO (en adiante o Taboleiro) e na web-EMAO. Darase un prazo de un día, parapresentar reclamacións ao listado.
Rematado ese prazo -no caso de que existan máis solicitudes ca prazas ofertadas realizaranse probas de acceso para asignar as prazas agás nas especialidades de Pintura e Debuxo, nas que se asignarán por sorteo entreos solicitantes cuxa solicitude sexa válida, conforme ao procedemento quese establece nas presentes normas.

Unha vez finalizado o prazo de pre-inscrición exporase no Taboleiro e na web-EMAO a relación definitiva de admitidos, clasificados por especialidades e cursos.

Prazos  
Ata a 6 de setembro: Preinscrición alumnado de novo ingreso (só internet)
Ata ao 31 de xullo e de 2 a 6 de setembro: Preinscrición alumnado de novo ingreso(presencial e internet)
28 de xuño: Listado de alumnado apto no curso 2018-2019
11 de setembro:

• Publicación listados solicitantes novo ingreso.
• Listados provisionais de alumnado procedente de cursos anteriores, coa súa asignación ao nivel que lle corresponde no curso 2019-2020.

16 de setembro: sorteo para inscrición de alumnado de novo ingreso (só especialidades de Pintura, Debuxo artístico ) ás 12 h. da mañá na Biblioteca da EMAO.
16-20 setembro: Celebración das probas de acceso, no/s día/s concretos que publicamente  se indiquen nos primeiros día de setembro.
23 de setembro:

• Listas de admitidos de novo ingreso despois do sorteo e probas de acceso
• Listas definitivas de alumnado procedente de cursos anteriores, coa súa asignación ao nivel que lle corresponde no curso 2019-2020.

A presenza neste listado significa que asúa matrícula foi dada de alta para este curso.

24-27 de setembro: Matrícula alumnado de novo ingreso. De 10,00 a 13,00 e 16,00 a 20,00 horas.

30 de setembro : Horario de mañá de 08,00 ata as 14,00 horas.
1 de outubro: Comezo do curso
 
A matriculación na EMAO implica a aceptación plena dos programas, horarios e Normativa que rexen a actividade da Escola

Matrícula

As persoas finalmente seleccionadas deberán obrigatoriamente para seren admitidas, formalizar a súa matrícula, mediante a presentación na Oficina administrativa do impreso oficial que se poderá recoller na mesma. Con este impreso deberán aportar copia do DNI ou Pasaporte.
A non formalización da matrícula en prazo, significará a inmediata baixa, e, consecuentemente, a praza será ofrecida ao/á/s solicitante/s quecorresponda na lista de reserva derivada da aplicación dos resultados do sorteo ou probas de acceso (se é o caso). 

Horarios de administración e información 
Lugar: Edificio principal da EMAO, rúa García Barbón, 5.

Horario: de 10 oh. a 14 h., laborables de luns a venres (agosto, pechado).
 
Información 
✔Correo electrónico: emao@vigo.org
✔Tfno.: 986228088

Toda a información sobre a preinscrición, matricula, prazos, horarios, sorteo y probas de acceso, prazas de novo ingreso que se ofertan, cursos extraordinarios de Moda e confección e de Deseño e Encaixe de palillos: preme aquí

Convocatoria Curso monográfico "Pintura con plantillas (stencil)" na EMAO

CONVOCATORIA DO CURSO MONOGRÁFICO 

“PINTURA CON PLANTILLAS (STENCIL)”

Escola Municipal de Artes e Oficios de Vigo

 

Dentro da programación prevista no Plan de Estudos da Escola Municipal de Artes e Oficios (PEMAO15), faise a Convocatoria do seguinte curso monográfico, aberto ás persoas interesadas que non estean matriculadas no curso 2018-19 na EMAO e que cumpran os requisitos que se indican:

Aula Pintura: “Pintura con plantillas (stencil)”

Impartido por: Jorge Serrano Mato, mestre da especialidade de Pintura na EMAO.
Destinatarios: persoas interesadas en novos procedementos pictóricos, nas técnicas mixtas e/ou na arte urbana que non estean matriculados en ningunha especialidade nin nivel da EMAO no curso 2018-19
Datas: do 3 de abril ao 10 de maio (semana santa non lectiva), mércores e venres de 11,00h a 14,00h.
Duración: 30 horas (10 sesións)
Obxectivo: o alumnado aprenderá a técnica do stencil para levar a cabo as súas propias composicións sobre diferentes soportes e con diferentes materiais utilizados na pintura.
Programa:
1. Teoría
2 e 3. Creación de stencil
4. Estampado con diferentes materiais en distintos soportes (madeira, papel, tea...)
5 e 6. Composición con varios stencils
7 e 8. Técnica mixta (pintura e stencil)
9 e 10. Composición colectiva entre todo o alumnado a partir de diferentes stencils

Material a aportar polo alumnado: Acetatos finos/ lápis, goma, cúter, tesoiras, pinceis/Soportes (papel, madeira, tea, cartón... (a elección do alumno/a)/Pintura en spray (opcional)
CONDICIÓNS E INSCRIPCIÓN

Lugar: Aula de Pintura da Escola Municipal de Artes e Oficios de Vigo
Prazas limitadas: 20 persoas 
Inscripción:
Gratuíta. Mediante envío de correo electrónico ao enderezo emao@vigo.org, cos seguintes datos  (imprescindibles):

No Asunto poñer: Solicitude inscripción Curso “Pintura con Plantillas”
No corpo da mensaxe poñer:

• Nome e apelidos do/a solicitante:
• DNI:
• Enderezo de correo electrónico no que desexan recibir a confirmación de admisión, se é o caso.

Admisión de solicitudes: 
Prazo inscripción: ata o 27 de marzo de 2019

• Non poderán inscribirse as persoas que estean matriculadas en ningunha especialidade nin nivel de estudos na EMAO no curso 2018-2019
• Só se admiten persoas maiores de 16 anos.
• Só serán válidas as solicitudes que cumpran estrictamente as condicións indicadas nesta convocatoria
• A inscrición farase por estricta orde de recepción do correo electrónico de solicitude ata cubrir o máximo de prazas ofertadas. A partir de aí, elaborarase unha lista de reserva para o caso de que existan baixas.
• A confirmación da matrícula realizaráa a EMAO exclusivamente por correo electrónico. No caso de producírense vacantes no primeiro día do curso, convocarase aos reservas.

Catálogo Web da Exposición "Proxectos 2018"

Xa temos o catálogo web da exposición Proxectos 2018. Nesta exposición, producida integramente pola EMAO, presentáronse algúns dos proxectos dos/as alumnos/as que cursaron o nivel avanzado no ano académico 2017-2018.

Parabéns a todos os participantes!!!

Imaxes da Inauguración de Exposición "Proxectos 2018"

Lémbrovos que nesta ocasión e debido a problemas de espazo, habilitouse tamén unha zona de exposición no hall de entrada da Escola. Alí están expostas as obras da especialidade de pintura. Anímovos a visitala!

Montaxe da Exposición "Proxectos de Fin de Estudos EMAO 2018"

Exposición "Proxectos de Fin de Estudos EMAO 2018" no Espazo EMAO

Cartel de Federico Fernández

Exposición na EMAO
“PROXECTOS DE FIN DE ESTUDOS EMAO 2018"
Inauguración o 19 de outubro ás 19:00

Dentro do Plan de Estudos da Escola de Artes e Oficios de Vigo inclúese, para o alumnado que remata os seus estudos nas distintas especialidades, a opción de cursar un Nivel Avanzado. Neste nivel educativo desenvolve, durante un ano, un proxecto de carácter persoal no que plasma as aprendizaxes e competenciastécnicas e artísticas do seu paso pola especialidade cursada na Escola.

Este proxecto individual -seleccionado previamente polo seu mestre/a, e dirixido por el/ela durante o seu desenvolvemento posterior en réxime presencial en taller- pode ter un carácter investigador, creador, de emprendemento empresarial ou laboral, de afondamento nunha técnica ou nunha idea, de experimentación con novos materiais...

Na presente exposición, producida integramente pola EMAO, presentamos algúns dos proxectos dos/as alumnos/as que cursaron o nivel avanzado no ano académico 2017-2018. Un ano no que materializaron a súa proposta inicial, man a man co seu titor/a. Do proceso proxectual, recóllense aquí os resultados, os productos creativos ou artesanais, que representan o froito parcial, unha mostra especial, da experiencia e o coñecemento vivido nas aulas e obradoiros ao longo dos seus estudos. En todos eles plásmanse materialmente os obxectivos de excelencia técnica e creatividade que figuran como base do proxecto formativo da Escola Municipal de Artes e Oficios de Vigo.

FICHA DA EXPOSICIÓN
Proxectos de fin de estudos 2018
Lugar: Espazo EMAO. Edificio Anexo da Escola Municipal de Artes e Oficios de Vigo (entrada polas rúas Rosalía de Castro e Pontevedra).
Datas: do 19 de outubro ao 5 de decembro de 2018 (agosto pechado). Inauguración 19 de outubro ás 19:00 horas
Horarios: de 19:00 a 21:00 horas, dias laborables
Comisariado: Federico Fernández e Emma Pintos, mestres de Debuxo artístico e de Moda da EMAO
Especialidades participantes: Serigrafía artística, Debuxo artístico, Pintura, Artesanía en Coiro, Moda e confección, Cerámica artística, Talla e escultura en madeira.
Cartel: Federico Fernández mestre de debuxo da EMAO
Produción e montaxe: Alumnado e profesorado da Escola Municipal de Artes e Oficios de Vigo
Axudante de montaxe: Alberto Couñago

Catálogo da Exposición "Que Ninguén Marche con Lareca" no Espazo EMAO

Xa podedes ver o catálogo da exposición "Que ninguén marche con lareca" que se pode visitar no Espazo Emao, a sala de exposicións da Escola Municipal de Artes e Oficios de Vigo ata o vindeiro 21 de setembro. Esta exposición insírese na programación do Espazo EMAO  que contempla a realización dun proxecto expositivo singular ao remate do curso académico.

Arte, cultura, oficios, comida, fame... o cociña da Escola de Artes e Oficios prendeu os fogóns dos obradoiros para encher de viandas a noso Espazo EMAO. Ao redor da mesa, alumnado e profesorado prepararon potas e tixolas, e cos ingredientes do seu oficio: interdisciplinariedade, cooperación, creatividade e excelencia técnica, obraron un bo menú. Un menú fabricado de excesos e faltas, de enchentas e baleiros, de propostas nutricias e da fame, esa ausencia.  

Comisariado: Pepe Pereira e Alba Pardo, mestres de Artesanía en Coiro e de Serigrafía artística da EMAO Especialidades participantes: Serigrafía artística, Debuxo artístico, Pintura, Artesanía en Coiro, Deseño e encaixe de palillos, Ourivaría, CAIM Gaita e Zanfona, Moda e confección, Cerámica artística, Talla e escultura en madeira. Cartaz: Jacobo Fernández, mestre de Pintura da EMAO Produción e montaxe: Alumnado e profesorado da Escola Municipal de Artes e Oficios de Vigo

Coordinación: Rafael Ojea, técnico do Concello de Vigo Axudante de montaxe: Alberto Couñago Colabora: Banco de alimentos de Vigo 

DESCARGA O CATÁLOGO EN PDF (14,2 Mb) 

Imaxes da Inauguración da Exposición "Que Ninguén Marche con Lareca" no Espazo EMAO

O alumnado de Escultura e Talla en madeira

O alumnado de Cerámica Artística

O alumnado de Serigrafía Artística

O alumnado de Serigrafía Artística

O alumnado de Ourivaría

O alumnado de Encaixe de Palillos

O alumnado de pintura

O alumnado de Moda e Confección

O alumnado de Artesanía do Coiro