Imaxes da Festa Fin de Curso 2017-2018 na Escola Municipal de Artes e Oficios de Vigo

Feliz Aninovo 2016!!!

A biblioteca deséxavos a todos e todas un feliz 2016 cheo de boas lecturas.

Festa Fin de Curso 2014-2015 na EMAO

O curso chega ao seu fin, onte foi un día para as despedidas, números alumnos/as reuníronse no patio de gaitas para celebrar o remate do curso e a chegada do verán e as vacacións. 

Lembrádevos que o curso non acaba ata o martes 30 de xuño, este día pola tarde, ás 19:00 h, terá lugar o acto de entrega de diplomas para o alumnado das distintas especialidades (Nivel II en CAIM, Cerámica, Encadernación Artística e Serigrafía artística ; Perfeccionamento II no resto das especialidades) que remata os seus estudos no curso 2014-2015. Como de costume, cada profesor chamará ao alumnado que lle corresponde, e entregará o diploma o alcalde un a un, segundo o listado de cada especialidade.

Felices Festas!

autor Federico Fernández

Lembrades a felicitación dos pasados Nadais, os ratos celebrando as festas? Esta é a proposta do noso profesor de debuxo Federico Fernández para este ano. A min encántame... Con ela a Escola de Artes e Oficios de Vigo deséxavos a todos Felices Festas!!! Vémonos en xaneiro.

Imaxes da Festa Fin de Curso da Emao

Este venres pasado tivemos a festa fin de curso 2013-2014 no patio de gaitas, numerosos alumnos acompañados dos seus mestres conversaron amigablemente mentras disfrutaban dunhas viandas moi apetitosas como podedes comprobar nestas imaxes... 

Recórdovos que mañá é a entrega de diplomas para o alumnado das distintas especialidades (Nivel II en CAIM, Cerámica, Encadernación Artística e Serigrafía artística; Perfeccionamento II no resto das especialidades) que remata os seus estudos no curso 2013-2014.

 

Festa Fin de Curso 2013-2014 na Emao

Esta tarde, sobre as 18 h. festa no patio de gaitas... Esperámosvos!!!

Esta Fin de Semana Vigo Celebra a súa Festa da Reconquista 2014

A Festa da Reconquista da Vila de Vigo,contará este ano cun día máis de celebración, tres xornadas de actos, deste venres, 28 de marzo, ao domingo, 30 de marzo, que incluirá as tradicionais representacións, postos no Casco Vello, concertos e animación de rúa.

Quecendo Motores!!!

Hoxe, martes de entroido, algúns obradoiros, preparan o seus disfraces temáticos (O Greco, Degas, o Pop Art, os artistas de caballete, o século XVII ...) Esta tarde haberá unha xuntanza no aula de pintura a partir das 18:30. Animarvos!!!

Entroido 2014 en Vigo

Os actos do Entroido 2014  comezan, hoxe venres 28, con murgas e charangas polo centro da cidade e os tradicionais "merdeiros" polo barrio histórico, a partir das 19:00 h; ás 19:30 h, a Escola Municipal de Teatro realizará na praza da Constitución o espectáculo manipulación. Ás 20:00 h, terá lugar a "Entronización do Meco" na Porta do Sol, para continuar ás 20:30 h co pregón, a cargo de Vigópolis. O Entroido 2014, que terá lugar do 28 de febreiro ao 5 de marzo, en distintos espazos da cidade. Máis información

As Imaxes da Festa de Fin de Curso 2012-2013 na EMAO

Aquí tedes as fotos da festa de fin de curso esperamos que vos gusten, grazas a todos por vir. Desexámosvos un feliz verán a todos.

Festa Fin de Curso 2012-2013 na EMAO

Xoves 27 de xuño, a partir das 18:00 horas, FESTAAA!!! Será no patio de gaitas, traede cousas de comer e beber para compartir, teremos un D.J. moi especial, pasarémolo moi ben, esperámosvos a todos.

A Noite de San Xoán

Na noite do día 23 ao 24 de xuño, e coincidindo co solsticio de verán, celébranse desde antigo unha ampla variedade de festas e prácticas rituais en moitos lugares de Europa, especialmente ó redor de fogueiras purificadoras, as fogueiras de San Xoán. Trátase dunha celebración anterior á chegada do cristianismo na que diferentes culturas festexan este acontecemento solar.

A noite de San Xoán é unha das festas máis importantes en Galicia. O ritual co que máis se identifica a noite de San Xoán son as fogueiras que se prenden na tarde-noite do día 23, tamén chamadas cacharelas, cachadas, cachelas ou lumeiradas. Durante os días previos, os mozos e veciños van amoreando diverso material nalgún lugar aberto e de paso público (prazas, encrucilladas ou, actualmente, praias) ata que, no comezo da noite, préndese lume entre a expectación de tódolos veciños. Nas horas seguintes, comen sardiñas á brasa e beben viño, cantando e bailando ó redor da fogueira e, cando esta está practicamente consumida, terminan saltando sobre as últimas lapas. 

Esta noite as plantas acadan o mellor das súas propiedades curativas e máxicas. Por iso, as mozas recóllenas para poñelas nun caldeiro con auga. Alí teñen que quedar ó orballo da noite e pola mañán tódos os membros da casa, en especial os nenos, lávanse con esta auga milagreira.

Celebracións de San Xoán en Vigo e arredores o 23 de xuño

Festa da Reconquista de Vigo, 6 e 7 de Abril de 2013

 

Durante dous días as rúas da cidade olívica trasladaranse ao s. XIX para rememorar un mercado tradicional con postos de venda de produtos típicos, demostración de oficios tradicionais da época, comidas rexionais e música tradicional a cargo dos gaiteros e tamborileros, enchendo as súas rúas de cor e esencia do pasado. Os postos instalaranse desde a Porta do Sol ata a rúa Teófilo Llorente.

O sábado 6 de Abril, comezarán os actos relativos á Festa da Reconquista con diversas actividades para todos os asistentes, na que os máis pequenos da casa tamén terán o seu espazo con animación infantil. A partir das 18.15 horas levarase a cabo a Representación da destitución do alcalde e da corporación, e toma da cidade polo exército francés. Ás 19.00 horas terá lugar unha demostración de Esgrima Antiga na Praza do Berbés, e ás 19.30 horas actuación de Vos Quinquilláns-Teatro, na Praza da Constitución. Ás 21.30 horas terá lugar o concerto de Terribles de Donas na Praza do Berbés e ás 23.00 horas pecharase o mercado.

O domingo día 7, os máis pequenos poderán gozar nuevamente con talleres infantís. A partir das 10.00 horas procederase á reapertura do mercado e ás 12.00 horas celebrarase unha demostración de Esgrima Antiga e ás 18.00 horas terá lugar a representación da Reconquista da Vila en Porta do Sol, sendo un dos actos máis destacados destes días porque a representación da batalla conmemora a retirada das tropas francesas tras dominar a cidade e celebra a nova Independencia Española. Ás 21.00 horas na Praza do Berbés celebrarase en concerto de Mel de Meiga. Durante todo o día terán lugar diferentes talleres e demostracións de oficios tradicionais da época.

Programación en Pdf

A Festa do Magosto

O Magosto ou castañada é unha festa tradicional nalgunhas zonas do norte da Península Ibérica como Galicia, Cataluña, Asturias, a provincia de León, Sanabria e Benavente e Os Vales  na provincia de Zamora e As Hurdes na provincia de Cáceres. É tamén unha festa moi popular en Portugal. 

Os elementos comúns desta festa son a celebración no mes de novembro (ou finais de outubro) e o ter como elementos principais a castaña e o lume. Adóitase celebrar esta festa nos días comprendidos entre o 1 de novembro (Todos os Santos) e o 11 de novembro (San Martín) onde non faltan as castañas asadas no lume, o viño novo e os chourizos. 

O Magosto era o tempo que os galegos reservaban para honrar as colleitas, despois do equinoccio, un costume que nestes últimos anos se intenta recuperar. É unha festa de orixe pagá que logo foi cristianizada, e, como tódalas festas de carácter agrario, pode situarse na Prehistoria, cando o ser humano vai adquirindo consciencia individual e social . É unha festividade relacionada co culto á fecundidade; de aí a súa relación directa co lume, representando ó sol, deus fecundador da terra. Trátase tamén dunha comida comunitaria e ritual que reforza os vencellos comunitarios do mundo rural galego. Con posterioridade foi asociada ós santos e defuntos, por iso se festexa o 1 de novembro, por ser unha comida que simboliza a morte do ciclo solar anual. Máis tarde nas terras de Ourense pasou a celebrarse o día 11 de novembro, festividade de San Martiño de Tours, padroeiro da cidade das Burgas.

Murguía consideraba a festa do magosto coma un banquete funerario no que a castaña e o viño simbolizarían a morte e a vida. Está relacionado co O Samhain, unha festividade de orixe celta na que a noite do 31 de outubro ao 1 de novembro celebrábase o final da tempada de colleitas na cultura celta e era considerada como o «Ano Novo Celta», que comezaba coa estación escura. É tanto unha festa de transición (o paso dun ano a outro) como de apertura ao outro mundo. A festividade céltica do Samhain descríbese como unha comuñón cos espíritos dos defuntos que, nesta data, tiñan autorización para camiñar entre os vivos, dándoselle á xente a oportunidade de reunirse cos seus antepasados mortos. Para manter aos espíritos contentos e afastar aos malos dos seus fogares, deixaban comida fóra, unha tradición que evolucionou converténdose no que hoxe fan os nenos indo de casa en casa pedindo doces. 

Pola influencia da cultura romana primeiro e do cristianismo despois, o Samain converteuse no día de Todos os Santos, de onde deriva o nome inglés de Halloween. Polo Samhain era costume baleirar nabos (posteriormente cabazas, debido a unha tradición irlandesa) para porlles dentro veas. Varios séculos despois, esta tradición ten continuidade no actual Halloween, exportación dos irlandeses a Estados Unidos no século XIX e principios do XX.

Rafael López Loureiro foi o responsable de redescubrir esta tradición e comprobar que existía por toda Galicia ata fai menos de trinta anos. Ademais, tamén comprobou a súa pervivencia no norte de Cáceres, ao redor da zona na que están situadas as aldeas de fala galega, e en zonas de Zamora e de León próximas a Galicia e onde a lingua e as tradicións galegas están moi arraigadas. Ademais, este estudioso analizou a relación do costume das cabazas co culto á morte e a semellanza coas tradicións irmás das illas británicas. Hoxe en día empézase a celebrar o halloween, Samhain ou Samaín (adaptación ao galego da palabra gaélica) nalgunhas das cidades e pobos de Galicia, como A Coruña, Ferrol, Cedeira, etc. Deixándose arrastrar pola tradicional festa de halloween cun claro interese comercial no noso país. Aínda que a celebración tradicional, o Magosto ou Magusto ten unha gran forza desde moi antigo, herdeiro directo do Samónios ou Sámanos propio da antiga Gallaecia (Galicia, Asturias, León e Norte de Portugal).

Fin de Curso na Emao

Hoxe, 29 de xuño, remata o curso 2011-2012 na Emao, estes últimos días veñen celebrandose algunhas festas nos distintos obradoiros e aulas donde os alumnos e os mestres comparten confidencias, anécdotas e fan plans para o próximo curso, mentres se degustan as viandas que cada un achega. Fai un par de días houbo celebración en serigrafía artística, onte reuníanse varias especialidades no patio de cerámica.

Desde aquí desexámosvos un feliz verán a todos e esperámosvos coas pilas recargadas para o próximo curso. Recordarvos tamén, que esta tarde é a Entrega de Diplomas no Salón de Actos ás 18:30 h. aos alumnos e alumnas que remataron neste curso o último nivel da súa especialidade (Nivel II en CAIM, Cerámica, Encadernación Artística e Serigrafía artística; Perfeccionamento II no resto das especialidades).

Os diplomas individuais serán entregados polo Excmo. Alcalde da nosa cidade no transcurso do acto, xunto cunha serigrafía de agasallo para cada un, producida e seriada especialmente para este ocasión polos obradoiros da Escola. 

Ademais dos que lles corresponde o diploma, están invitados a este acto todos os matriculados na EMAO neste curso 2011-2012.

FESTA DA RECONQUISTA DA VILA DE VIGO 2012

O Casco Vello de Vigo foi escenario o sábado 31 de marzo e hoxe domingo 1 de abril, de dúas novas xornadas de actos populares de celebración da Reconquista da cidade. Os actos festexan a Reconquista de Vigo ás tropas francesas, culminada o 28 de marzo de 1809.

Máis información

NELSON VILLALOBOS LERÁ O PREGÓN DAS FESTAS DE BOUZAS

O noso mestre de serigrafía artística, o pintor cubano Nelson Villalobos, será o encargado de ler o pregón das Festas de Bouzas 2011, será esta noite ás 21,15 h, substitúe nesta labor ao Ministro de Fomento e Portavoz do Goberno, José Blanco. Villalobos é recoñecido como un dos mellores expoñentes da plástica cubana dos anos 80 e imparte ensinanza na Escola Municipal de Artes e Oficios (EMAO) dende hai dous anos.